Bust Arsìsi

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Vduda 'd Bust Arsìsi in mèś a la fumàna
Na Giöbia ch'la ciàpa fōg
La Céśa dla Santa Marìa


Bust Arsìsi (Busto Arsizio in Itagliàn) 'l è 'n cumùṅ lumbàrd ad 82.635 abitànt ch'al s cata in pruvìncia 'd Varéś, a 'l cunfìṅ cìn al Milanéś. Al sò patròṅ 'l è San Śvan Batìsta méntìr al sò piàt tìpic 'l è al Bruscitti, un magnàr a baś ad carna còta sfatlàda par bèṅ cun dèntar dal rumlìni 'd fnòć e vèṅ.

La sità l'è famóśa parchè là i s tìran sù i bgòṅ dla séda.

I èṅ nâ a Bust Arsìsi la cantànta Mina, al regìsta Luigi Cozzi (quél ad Paganini horror) e 'l muśicìsta ch'al sòna al viulèṅ Uto Ughi.

'L ùltim Giuidè ad Śnar da cal bandi là a gh'è la tradisiòṅ ad dar fōg a la Giöbia, un fantòs ad paja vistî 'd stras, par purtàr bòṅ e par paràr via 'l Invèran.

Aministrasiòṅ

Sìndig: Emanuale Antonelli ad Fòrsa Itàglia (da 'l 2016).

Spòrt

La squàdra 'd balòṅ 'd Bust Arsìsi la s ciàma Pro Patria. L'è stada fundàda in dal 1919 e l'à fat quatórdas campiunâ in Serie A. Sèmp'r in dla sità lumbàrda a gh'è na squàdra 'd vòley 'd fémni, la Futura Volley, ch'l à vins un scudét, dū Cópi CEV, na Cópa Itàglia e na Supercópa itagliàna.

Culegamènt estéran