Black Christmas - Un Natale rosso sangue (film 2006)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Black Christmas
Black Christmas - Un Natale rosso sangue
Black Christmas - Un Natale rosso sangue (film 2006).png
Cainan Wiebe in na figùra dal film
Nadâł négar - Un Nadâł rós cuma 'l sangṿ
2006
Regìa: Glen Morgan
Scritōr: Glen Morgan • Roy Moore
Atōr: Crystal LoweLacey ChabertKristen Cloke
Michelle TrachtenbergMary Elizabeth Winstead
Andrea MartinKatie CassidyOliver Hudson
Karin KonovalJessica HarmonCainan Wiebe
Müsica: Shirley Walker
Léngua: Ingléś
Dürä dal film: 84 minüt
Nasiōṅ: CànadaStat Unî


«
A Nadâł i èṅ tut più bòṅ. A part lò.»
(Tagline dal film)


Black Christmas - Un Natale rosso sangue (Nadâł négar - Un Nadâł rós cuma 'l sangṿ) 'l è 'n film ad scarésa canadéś e americàṅ dal 2006 ad Glen Morgan, arfacimènt dna pelìcula umònima dal 1974 ad Bob Clark.

Custàda nóṿ migliòṅ ad dòlar, la pelìcula la 'n à pò fat sù vint-i-òṅ e mèś.

Sunt

'L è drē a davśinàr-'s al Nadâł e la sgnōra Mac (Andrea Martin) l'invìda 'l ragàsi dla scōla a pasàr la fèsta da lē. A s trata dla Kelly Preseley (Katie Cassidy), muróśa 'd Kyle Langton (Oliver Hudson), dla Melissa Kitt (Michelle Trachtenberg), dl’Heather Lee (Mary Elizabeth Winstead), dla Lauren Hanon (Crystal Lowe), dla Clair Crosby (Leela Savasta), dla Dana (Lacey Chabert) e dla Megan Helms (Jessica Harmon).

Cla cà famìja lè l'è la cà in du in di an Stanta e Utànta i èṅ sucès di fat ad sangṿ a i mémbar dla famìja 'd William Edward Lenz (Robert Mann) dit Billy. Sò màdar, ch'l'iva sèmp'r udiâ lò e sò marè (Peter Wilds), dòp avér masâ 'l sò spóś p'r arfàr-as na vita c'n al sò amànt (Howard Siegel), l'iva sarâ dènt'r a 'l tasèl mòrt Billy ma l'iva anc fat na fiōla sèg quànd lò 'l éra incōra 'n ragasōl, l’Agnes (Dean Friss). Soquànt an dòp, la nòt ad Nadâł, Billy al gh l'à fata pagàr masànd-la insém a 'l sò amànt e pò 'l à anc cavâ via 'n òć a l’Agnes finénd in na parśòṅ par ciucâ in dla suca.

Mént'r al ragàsi i s pàs'n i rigài, Billy al gh la cava a scapàr via masànd la guàrdia pròpria quànd in cà i rìv'n anc la Leigh Colvin (Kristen Cloke), ch'la pésca sò surèla Clair ch'la n s cata piò, Kyle, ch'al vrév gusàr cun la Kelly anc se pò al s dava da far anc cun la Megan, e l’Eve Agnew (Kathleen Kole), studénta bruta ch'la piga, ch'la gh'à da cunsgnàr un rigàl a l’Heather.

Una dòp cl'atra al ragàsi i mōr'n ad òpra 'd Billy parchè adès i èṅ lōr la sò famìja.

Culegamènt estéran