Batman & Robin

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Batman & Robin
Batman & Robin
Batman & Robin.png
O'Donnell, la Silverstone e Clooney in na figùra dal film
id.
1997
Regia: Joel Schumacher
Scritùr: Bob Kane • Akiva Goldsman
Atùr: George ClooneyChris O'DonnellPat Hingle
Uma ThurmanArnold SchwarzeneggerCoolio
Alicia SilverstoneElle MacphersonMichael Gough
Müsica: Elliot Goldenthal
Lengua: Ingléś
Dürä dal film: 120 minüt
Nasiòṅ: Stat UnîRégn Unî


«
Fòrsa, curàǵ, unōr e lialtà. Al 20 ad Śugn i gh saràṅ tut insém...»
(Tagline dal film)


Batman & Robin (id.) l è 'n film fantàstic dal 1997 ad Joel Schumacher ch'al tōś ispirasiòṅ da 'l fumét creâ par Bob Kane. 'L è 'l quàrt capìtul dal saga ad Batman, séguit di film Batman dal 1989, Batman - Il ritorno dal 1992 e Batman Forever dal 1995.

Custâ sènt-quarànta migliòṅ ad dòlar, al film al 'n à catâ sù dagnóra duśènt-quarànta ma i crìtic i gh'aṅ dâ śò dimóndi listés. La culòna sunóra dal film l'è òpra 'd Elliot Goldenthal, cun anc di braṅ di The Smashing Pumpkins, di R.E.M., di Underworld, dla Moloko e àt'r incóra.

Sunt

Batman (George Clooney) e 'l sò jutànt śōvan Robin (Chris O'Donnell), difensōr ad Gotham City, i s métan cònt'r a 'l criminàł Mr. Freeze (Arnold Schwarzenegger) ch'al vōl purtàr via di diamànt da 'n muśèo par far un machinàri par ślar la sità e custrìnś'r acsè gl'abitànt a dar-'g i bèsi ch'i gh vōlan par finansiàr na ricérca par curàr al mâł ch'la gh'à sò mujér Nora (Vendela Kirsebom Thomessen). In cal méntar in dl'Amèrica dal Sud un siensiâ mat, Jason Woodrue (John Glover), al dróa i studi dl'ecòluga Pamela Isley (Uma Thurman) par far un vlèṅ da vénd'r a 'l èstar a di stat nemìg ch'a sarév bòṅ ad far dvintàr di super-suldâ tut i óm ch'i al tōśan, anc qvéi più magrèṅ. Quànd la dóna la dasquàcia i sò tragatèṅ, lò al próa a cupàr-la ma lē la la scampa e la decìd ad vindicàr-as dvintànd la Poison Ivy.

A cumbàt'r i dū malvivènt, insém a Batman e a Robin, a s śònta anc l'anvōda dal sò majurdòm Alfred Pennyworth (Michael Gough), la Barbara Wilson (Alicia Silverstone), ch'la sarnìs par lē al nóm ad batàja ad Batgirl.

Culegamènt estéran