Béga africaniśàda
|
C'l artìcul chè 'l è scrit in
Miranduléś |
La béga africaniśàda, cgnusùda méj cuma béga sasìna, l'è na béga ìbrida nada misćiànd insém la béga africàna Apis mellifera scutellata cun soquànti sóta-spéci européi cuma la béga itagliàna Apis mellifera ligustica e la béga tedésca Apis mellifera mellifera. La fà part dla famìja di Apidae, gènar Apis.
In dal 1957 'l è stâ 'l biòlug Warwick Estevam Kerr a incruśàr-li par dar vita a na béga ch'la psis vìvar bèṅ in di clima cald e umìd cuma qvéi dl'Amèrica dal Sud ma anc ch'la fus bòna 'd far dimóndi mēl cuma qvéli européi. Chi lò 'l à acsè purtâ sèg in Braśìl 26 béghi regìni dla Tanśàgna par mét'r in òpra al sò prugèt.
A s è vist subìt che chi insèt lè, praticamènt cumpàgn a véd'r-i rispèt a 'l sò parènti dl'Európa cun sōl dgl'ali più cichi, i éran dimódi più rabìdi in dal difénd'r al sò bréschi esénd ch'i rispóndan subìt tuti insém a 'l ferumòṅ d'l alàrm, tant da meritàr-'s al scutmàj ad “béga sasìna”[1].
C'n al pasàr dal tèmp cal béghi chè, ch'i ténd'n a spustàr-as da spés par catàr da magnàr, i èṅ rivàdi prima in Mèsic e pò in di Stat Unî meridiunài.
Nòti
- ↑ Al „béghi sasìni“ i làs'n un texàṅ mòrt, dóna dimóndi misa mâł NBC News, 2 ad Śugn dal 2013
Àtar prugèt
Wikimedia Commons contiene file multimediali su Ape africanizzata
Wikizionario contiene la voce di dizionario «Ape africanizzata»
Wikispecies contiene informazioni su Ape africanizzata
