Avesàṅ

Da Wikipedia.

C'l artìcul chè 'l è scrit in Miranduléś Emiliàn

La mapa dla sità in dla pruìnsa dl'Àquila


Avesàṅ (Avezzano in Itagliàn) l'è na sità ad quarànta-dumìla abitànt ch'la s cata in di Abrùs, la sèsta più granda dla regiòṅ, in pruìnsa dl'Àquila. In dal dialét dal pòst, ch'al s davśìna dimóndi a 'l Napulitàṅ faghénd part di dialét meridiunài ad mèś, la s ciàma Avezzanë.

La s cata in sal mònt Velìṅ in dla Màrsica e in dal 1915 'l à patî òṅ di taramòt più devastànt dla stòria d'l Itàglia, grâd 7.0 dla scalaróla richter, ch'l à cupâ da piò ad trénta-mila cristiàṅ in tut, déś-mila sōl in cal cumùṅ chè, da piò d'l 80% ad qvéi ch'i gh vivìvan. Avesàṅ l'è fra 'l sità decuràdi cun la Mdaja 'd argìnt a 'l mèrit sivìl parchè, in dal 1944, l'è stada la quìnta sità itagliàna p'r i dan patî da i bumbardamènt aleâ.

Al castèl Orsini-Colonna

In sità la racòlta difarensiàda dal rusc l'è dimóndi élta rivànd a 'l 74% a 'l incìrca in dal 2014. Fra i sò piàt più impurtànt a 'rcurdém i gnòc ad patàchi, i "piisci sott'aje coppe" (pés ad lâg cuśinâ a la braś dal camèṅ sóta 'n cóp), i macaròṅ a la chitàra e 'l fujàdi.

Da 'l 2012 al sìndig 'l è Giovanni Di Pangrazio dal sèntar-sinìstra.

Culegamènt estéran