American Psycho
|
C'l artìcul chè 'l è scrit in
Miranduléś |
 American Psycho
| ||
 Christian Bale in na figùra dal film | ||
| American Psycho 2000 | ||
|---|---|---|
| Regìa: Mary Harron | ||
| Scritōr: Bret Easton Ellis • Guinevere Turner Mary Harron | ||
| Atōr: Christian Bale • Willem Dafoe • Bill Sage Jared Leto • Justin Theroux • Reese Witherspoon Chloë Sevigny • Josh Lucas • Samantha Mathis Matt Ross • Cara Seymour • Stephen Bogaert | ||
| Müsica: John Cale | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî • Spagnōl • Cinéś | ||
American Psycho (id.) 'l è 'n thriller dal 2000 dla Mary Harron trat da 'l rumànś umònim ad Bret Easton Ellis. 'L è stâ preśentâ a 'l Sundance Film Festival al 14 'd Avrìl dal stés an.
Custâ sèt migliòṅ ad dòlar, al 'n à pò fat sù da piò ad trénta-quàtar. In dal 2002 al gh'à abû anc un séguit, American Psycho 2, prudót e dirèt par Morgan J. Freeman.
Sunt
New York, 1987: Patrick Bateman (Christian Bale) 'l è 'n śóvan yuppie ad vint-sèt an ch'al lavóra in dl'ambînt ad Wall Street esénd a cap dna sucietà finansiària ch'la tîṅ a drē a dal fuśiòṅ e a dal còmpri. In dla sò vita ad tut i dè Patrick al s pasa 'l tèmp a far-as bèl, cun dal crémi, di parfùm e di vistî firmâ, a far-'s al fìśic in palèstra e a druàr dal dròghi. Ad dè invéci al tōś part a di pranś ad lavōr, dand via i sò bijét ad vìśita, e faghénd dal riugnòṅ c'n i sò culaburadōr. Al pénsa sōl par lò e a muciàr sù di bèsi par pò spénd'r-i cumpànd dal màchini nóvi.
Na sira, pasànd par 'n andavèṅ in strada, al dà na scurtlàda a 'n barbòṅ e pò al cópa cun na manàra un sò culéga ad lavōr invidâ a cà sua a Manhattan, Paul Allen (Jared Leto), faghénd pò finta ch'al sia scapâ a Lóndra. Al cumisàri Donald Kimble (Willem Dafoe) al gh fà dal dmandi ma 'l è lò al prim a crédar ch'al sia inusènt. Bateman al pōl cuntinuàr acsè a divertìr-as la nòt catànd in gir dal putàni par pò cupàr-i a cà sua.
Arcgnusimènt
- National Board of Review Awards dal 2000 - Arcgnusimènt speciàl
- Chlotrudis Awards dal 2001 - Prèmi a Christian Bale cuma mijór atōr prutagunìsta e a la senegiadùra minga uriginàla
- International Horror Guild Award dal 2001 - Prèmi p'r al film fat méj
Culòna sunóra
Al mùśichi uriginàli i èṅ ad John Cale, ex mémbar insém a Lou Reed di Velvet Underground, ma la culòna sunóra dal film la gh'à dèntar anc soquànt pès 'd àtar cantànt o grup.
- You Spin Me 'Round - Dope (cover di Dead or Alive)
- Monologue 1 - John Cale
- Something in the Air (American Psycho remix) – David Bowie
- Watching Me Fall (Underdog remix) – The Cure
- True Faith – New Order
- Monologue 2 – John Cale
- Trouble – Daniel Ash
- Paid in Full (Coldcut remix) – Eric B. & Rakim
- Who Feelin' It (Philip's Psycho mix) – Tom Tom Club
- Monologue 3 – John Cale
- What's on Your Mind (Pure Energy mix) – Information Society
- Pump Up the Volume – M/A/R/R/S
- Paid on Full (remix) – The Racket
- Sussudio - Phil Collins