American Gigolò

Da Wikipedia.

C'l artìcul chè 'l è scrit in Miranduléś Emiliàn

American Gigolo
American Gigolò

Richard Gere in na figùra dal film
Gigolò americàṅ
1980
Regìa: Paul Schrader
Scritōr: Paul Schrader
Atōr: Richard GereLauren HuttonBill Duke
Hector ElizondoNina Van PallandtK Callan
Brian DaviesCarole CookCarol Bruce
Müsica: Giorgio Moroder
Léngua: Ingl霌vedéśFrancéśTedésc
Dürä dal film: 117 minüt
Nasiōṅ: Stat Unî


«
'L éra 'l amànt più pagâ 'd Beverly Hills. Al saìva dimóndi ròbi su 'l dóni... e qvél ch'al saìva a psiva custàr-ag la vita.»
(Tagline dal film)


American Gigolò (Gigolò americàṅ) 'l è 'n thriller dramàtic dal 1980 scrit e dirèt par Paul Schrader. La part dal prutagunìsta, pò dada a Richard Gere, l'éra stada śibìda prima a Christopher Reeve e pò anc a John Travolta che però i aṅ dit ad nò.

La culòna sunóra l'è stada fata par Giorgio Moroder ch'l à scrit anc al braṅ Call Me cantâ p'r i Blondie.

Sunt

Julian Kay (Richard Gere) 'l è 'n gigolò ad Los Angeles ch'al vistìs Giorgio Armani e 'l dóni i vaṅ mati par lò. A 'l inìsi Julian al lavóra par la śvedéśa Anne (Nina Van Pallandt) ma pò al pasa cun 'l agìnt Leon Jaimes (Bill Duke), 'n óm ch'al n guàrda in fàcia a ninsòṅ quànd a s trata 'd métar-'s in bisàca di bèsi.

Un dè Julian 'l incróśa par caś la Michelle Stratton (Lauren Hutton), mujér dal senadōr Charles (Brian Davies), e i dū i s inamóran dabòṅ. In cal méntar Leon al manda Julian da 'l sgnōr Rheyman (Tom Stewart) e da sò mujér, la Judy (Patricia Carr), dū depravâ purcùs ch'i vōlan che lò al daga dal bòti a la dóna mént'r al sò spóś al i tîṅ 'd òć. Quànd la dóna la vèṅ catàda mòrta, Charles al fà in manéra che tut i suspèt i vàgan su Julian. Al detective Sunday (Hector Elizondo) al gh'è adòs.

Culegamènt estéran