Alligator

Da Wikipedia.

C'l artìcul chè 'l è scrit in Miranduléś Emiliàn

Alligator
Alligator

La Robin Riker e Robert Forster figùra dal film
Aligadōr
1980
Regìa: Lewis Teague
Scritōr: John Sayles • Frank Ray Perilli
Atōr: Robert ForsterRobin RikerDean Jagger
Michael V. GazzoJack CarterPerry Lang
Müsica: Craig Hundley
Léngua: Ingléś
Dürä dal film: 89 minüt
Nasiōṅ: Stat Unî


«
Ùndas mét'r ad lunghésa, na tunelàda 'd péś, al vivìva quìndas mét'r ad sóta dla sità... adès 'l è drē a salìr sù in superfìsi...»
(Tagline dal film)


Alligator (Aligadōr) 'l è 'n film ad scarésa dal 1980 ad Lewis Teague, śibî a 'l inìsi a Joe Dante. Custâ gnanc dū migliòṅ ad dòlar, al 'n à pò fat sù dagnóra siē e mèś. Anc s'al tìtul al fà riferimènt a 'n aligadōr, al móstrar 'l è invéci 'n cucudrìl.

L'atōra Sue Lyon chè la fà la sò ultma part dla caréra, qvéla dna giurnalìsta dla NBC.

Sunt

Durànt na vacànsa in Flòrida la pìcula Marisa Kendall (Leslie Brown) la còmpra 'n cucudrìl péna nâ parchè i gh pìàś'n i rètil ma turnàda a Chicago sò pàdar Bill (Robert Doyle), ch'al n s al cumpatìs briśa, 'l al buta śò p'r al cèso e pò al tira l'àqua.

Dód'ś an dòp la Marisa (Robin Riker), dvintàda dutōra faghénd di studi su 'l bèsti, la gh'à da far i cònt c'n al sò cucudrìl ch'in cal méntar 'l è carsû in dal canaléti dla sità magnànd di caṅ tratâ cun di urmòṅ par crésar par di esperimènt pruibî fat da Slade (Dean Jagger), amìg dal sìndag (Jack Carter) ch'l al quàcia. Cla bistiàsa lè, dvintàda lunga dódas métar, adès la gh'à na fam da lóv e la salta fóra da la canaléta par magnàr di cristiàṅ.

A dar na maṅ a la Marisa a gh pénsa 'l detective David Madison (Robert Forster).

Culegamènt estéran