Alexandre Manceau

C'l artìcol chè 'l è scrit in Carpśàn

.

Alexandre Manceau (Trappes, al 3 'd mâǵ 1817 - Palaiseau, al 21 'd agòst 1865) 'l è stê 'n disgnadōr e inciśōr francéś e ùn di amànt dla George Sand, bèin che lò al fùs dimòndi più śóven ed lē.
'L ìva incîś i disègn dal sinquànta mascri dla Cumédia edl'êrt ch'i stèv'n in dal lìber ed Maurice Sand "Masques et bouffons (Comedie Italienne)", Parì, edisiòun Michel Levy Frères, 1860^[1].

Biugrafìa

Disgnadōr e inciśōr in sìm'a la curàma, amîg dal Maurice Sand ch'l era fiōl dla George Sand, al vin invitê da queschè a pasèr al Nadêl dal 1849 in dla cà 'd só mèder a Nohant e però lò 'l dveintarà in cal mumèint lè 'l ìntim e 'l segretàri dla mèder e 'l n'se turà via ded lè che quìnd'ś an dôp, butê fóra da 'l amîg Maurice, gelōś edla mèder. Andèda la còpia a stèr in na cà a Palaiseau, lò al patirà ed tuberculōś curê dala Sand, mo 'l murà 'l an dôp, e 'l gnarà suplî in dal simitéri lè śvèin.

«

Dernière soirée à Nohant : Nous nous en souviendrons tous je crois. Il n'y a donc rien à écrire sur cette dernière veillée, mais je pense malgré moi que pendant 14 ans que j'ai passés ici, j'ai plus ri, plus pleuré, plus vécu que pendant les 33 ans qui les ont précédés. Me voilà désormais seul avec elle, quelle responsabilité, aussi quel honneur et quelle joie !»

(FR)(Agenda, 11 'd śùgn dal 1864,)

«

Ùltma sira a Nohant: nuèter a s 'n arcurdaròm tùt, mè a crèd. A n'gh'è dòunca gninta da scrìver in sìm'a cl'ùltma volta chè, mo mè a peins, anc còunt'r ed mè, che in chi 14 an che mè a-j-ò pasê chè, mè a-j-ò più ridû, più pianśû, più visû che in tùt i 33 an ch'i éren vgnû prìma. E dòunc a sun chè, adês da per mè cun lē, quanta responsabilitê, mo anc quanta furtùna e cuntintèsa!»

(MUD)

Vōś lighèdi

Èter progêt

Wikimedia Commons contiene file multimediali su Alexandre Manceau

Colegamèint estèren

(IT) Un còunt in sìm'a lò in 'n artìcol dal 2010 dal Curēr dla sira in ligna.
(FR) I Diàri dla Sand e dal Manceau da 'l 1862 a la fin dal 1866.
(FR) Tùt i diàri edla còpia in sìm'a 'BnF.Gallica.
(FR) Na spiegasiòun dla relasiòun dal Manceau cun la Sand, in ligna.

Referèinsi

↑ "Masques et bouffons (comédie italienne)", al lìber in ligna in sìm'a archive.org.

[1] "Masques et bouffons (comédie italienne)", al lìber in ligna in sìm'a archive.org.

[1]