Abbronzatissimi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Abbronzatissimi
Abbronzatissimi.png
L'Alba Parietti in na figùra dal film
Abrunśatìsim
1991
Regia: Bruno Gaburro
Scritùr: Franco Castellano • Stefano Sudriè
Carlotta Ercolino • Giuseppe Moccia
Atùr: Jerry CalàTeo TeocoliMauro Di Francesco
Alba PariettiNathalie CaldonazzoSonia Grey
Salvatore MarinoEva GrimaldiGuido Nicheli
Martina ColombariFranco OppiniMonika Rebel
Müsica: Riccardo Eberspacher
Lengua: Itagliàṅ
Dürä dal film: 96 minüt
Nasiòṅ: Itàglia


Abbronzatissimi (Abrunśatìsim) l'è na cumèdia itagliàna dal 1991 ad Bruno Gaburro giràda a Gabìs, a Rìmin, a Catòlga, a Miśàṅ, a l'Aquafan 'd Arśòṅ e in dal muntàgni 'd Servìgna. La pelìcula, ch'in dla sò versiòṅ televiśìva l'è più lunga ad sinquànta minùt a 'l incìrca, la la gh'à abû 'n séguit in dal 1993 da 'l tìtul Abbronzatissimi 2 - Un anno dopo.

In dla culòna sunóra dal film i s càtan di pès 'd Edoardo Vianello (Abbronzatissima), dla Gloria Gaynor (Can't Take My Eyes Off You), ad Pino Daniele (’O scarrafone), ad Zucchero (Diavolo in me), 'd Ivano Fossati (La mia banda suona il rock), ad Jovanotti (Ciao mamma) e àt'r incóra.

Sunt

Durànt la stagiòṅ dal vacànsi 'd Istâ in Rumàgna i s incróś'n al stòri ad soquànt persunàǵ.

Stufa dal sò matrimòni c'n al pruprietàri 'd un stabilimènt balneàri dimóndi pēś, l’Aurora (Alba Parietti) la créd 'd avēr catâ in dal cantànt ad pianobar Willy Damasco (Jerry Calà) 'l óm bòṅ par far fóra sò marè Osvaldo (Renato Cecchetto).

La śōvna Isabella (Nathalie Caldonazzo), inamuràda 'd un dutōr ad culōr ciamâ Mustafà (Salvatore Marino), l'al preśénta a i sò genitōr reasiunàri (Arnaldo Ninchi e Mariangela Giordano).

Dū uperàj minciòṅ ad Milàṅ, Teo (Teo Teocoli) e Mauro (Mauro Di Francesco), par psēr cucàr méj i faṅ finta 'd èsar di migliardàri in vacànsa a 'l Grand Hutèl ad Rìmin ma i vìnan fargâ da 'n làdar, Gaspare (Enio Drovandi), in dal méntar ch'i èṅ insém a dū ragàsi 'd acòrd sèg, la Monica (Monika Rebel) e la Fiorella (Sonia Grey).

L’Elide (Eva Grimaldi), putàna vèneta amiradōra 'd Pretty Woman, la lavóra p'r al papòṅ Marcellino (Pier Maria Cecchini). Quànd chi lò al partìs cun na braśigliàna, lē la s mét c'n al purtēr 'd albêrg Willy (Franco Oppini), ch'al finśìva 'd ès'r òrub par scultàr méj tut i fat ad chi àtar.

Culegamènt estéran