Jovanotti

Da Wikipedia.

C'l artìcul chè 'l è scrit in Miranduléś Emiliàn


«
È qui la festa? Siiiiii! Stasera voglio fare una festa insieme alla ragazza mia, stasera voglio fare una festa, prendiamo la moto e via via via.»
(IT)(È qui la festa?, 1988)
«
È-la chè la fèsta? Seeeeee! Stasìra a vój far na fèsta insém a la mè muróśa, stasìra a vój far na fèsta, tulém la mòta e via via via.»
(MUD)
Jovanotti tòlt śò in dal 2008


Jovanotti (Róma, 27 ad Setémbar dal 1966, a s lèś /dʒovaˈnɔtti/) 'l è 'n cantànt, rapper e disc Jockey itagliàṅ. In cumùn al s ciàma Lorenzo Costantino Cherubini.

In dla sò caréra 'l à druâ anc i nóm ad Gino Latino e ad Jeronimo.

Biugrafìa

Dòp ès'r-as fat i òs faghénd al disc jockey, la caréra ad Jovanotti la partìs in quàrta quànd al vèṅ aduciâ par la mujér ad Claudio Cecchetto, la Marina. Lorenzo al taca acsè a lauràr cuma preśentadōr a Deejay Television, prugràma 'd Italia Uno, e a Radio Deejay.

In dal 1988 al fà vgnir fóra na canta ch'la mùcia sù dimóndi sucès, È qui la festa?, ch'la finìs in dal sò prim àlbum, Jovanotti for President ch'al gh'à dènt'r anc al martèl Gimme Five (Dà-'m al sinc). A vèn fóra anc un lìbar ch'al dascór ad lò, Yo, brothers and sisters. Siamo o non siamo un bel movimento? (Yo, fradèi e surèli. Sém-j-a o nò un bèl muimènt?).

In dal 1989 al canta La mia moto a 'l Fèstival ad Sanremo. Da lè in avànti al cuntìnua a far di disc, catànd un sucès clamuróś cun al disc Lorenzo 1992, cun i sìngui Non m'annoio e Ragazzo Fortunato.

Discugrafìa

Àlbum

  • Jovanotti for President - 1988
  • La mia moto - 1989
  • Giovani Jovanotti - 1990
  • Una tribù che balla - 1991
  • Lorenzo 1992 - 1992
  • Lorenzo 1994 - 1994
  • Lorenzo 1997 - L'albero - 1997
  • Lorenzo 1999 - Capo Horn - 1999
  • Lorenzo 2002 - Il quinto mondo - 2002
  • Buon sangue - 2005
  • Safari - 2008
  • Ora - 2011

Racòlti

  • 1989 Jovanotti Special
  • 1995 Lorenzo 1990-1995
  • 2012 Backup - Lorenzo 1987-2012

Da 'l Viṿ

  • Lorenzo live - Autobiografia di una festa - 2000
  • Jova Live 2002 - 2004
  • Ora Live - 2011
  • Lorenzo in concerto per Jovanotti e Orchestra - 2012

Culegamènt Estéran