...And Justice for All

Da Wikipedia.
C'l artìcul chè 'l è scrit in Miranduléś Emiliàn


«
My life suffocates planting seeds of hate, I've loved, turned to hate, trapped far beyond my fate, I give, you take this life that I forsake, Been cheated of my youth, you turned this lie to truth, anger, misery, you'll suffer unto me, harvester of sorrow.»
(EN)(Harvester of Sorrow, 1988)
«
La mè vita la n gh'à più fiâ piantànd la scménsa d'l òdi, a-j-ò vlû bèṅ, pasànd a 'l òdi, imparśunâ dimóndi da piò da 'l mè destîṅ, mè a dag, tè 't tó ch'la vita chè che mè a las andàr, a sòṅ stâ tradî in dla mè giunésa, tè 't à fat dvintàr cla bala chè véra, arlìa, miśèria, at patirà a 'l mè pòst, msōr dal dulōr.»
(MUD)
GClef.svg ...And Justice for All
1988
Metallica London 2008-09-15 Kirk and James.jpg
Metallica
Tip 'd àlbum: Studi
Gènar: Thrash metal
Etichéta: Elektra
Num'r ad braṅ: 9
Duràda: 65:28 minùt
Sìngui: Harvester of Sorrow • Eye of the Beholder • One
Precedènt: Master of Puppets
Sucesìṿ: Metallica


...And Justice for All (...E Giustìsia par Tut) 'l è quàrt àlbum in studi dal grup di Metallica, vgnû fóra in d'l Agóst dal 1988 par la cà discugràfica Elektra. 'L è stâ registrâ fra Śnar e Maǵ in di studi One on One ad Los Angeles e 'l è stâ bòṅ ad rivàr a 'l sèst pòst dla Billboard americàna, a 'l quìnt pòst dal clasìfichi tedéschi e a 'l quàrt in qvéli ingléśi. In di Stat Unî 'l à vindû òt migliòṅ ad còpi. P'r al sìngul One al grup 'l à girâ al sò prim vìddeo ch'a tōś ispirasiòṅ da 'n film ad Dalton Trumbo, E Johnny prese il fucile.

Cal disc chè 'l è 'l prim registrâ par Jason Newsted, ch'l iva in cal méntar tòlt al pòst ad Cliff Burton mòrt in 'n incidènt in bus durànt al tour prumusiunàł dal disc Master of Puppets, anc s'al sò part ad bas i èṅ stadi arbasàdi dimóndi tant ch'a s fà fadìga a sintìr-li in dl'òpra finàla[1][2].

Braṅ

Tèst ad James Hetfield (a part To Live Is to Die scrita par Cliff Burton), mùśichi ad James Hetfield, Lars Ulrich e Kirk Hammett (quànd a n è mia acsè, 'l è ripurtâ chè 'd sóta).

  1. Blackened (Hetfield, Newsted, Ulrich) – 6:42
  2. ...And Justice for All – 9:45
  3. Eye of the Beholder – 6:25
  4. One (Hetfield, Ulrich) – 7:25
  5. The Shortest Straw (Hetfield, Ulrich) – 6:35
  6. Harvester of Sorrow (Hetfield, Ulrich) – 5:45
  7. The Frayed Ends of Sanity – 7:43
  8. To Live Is to Die (Hetfield, Burton, Ulrich) – 9:48
  9. Dyers Eve – 5:13

'L edisiòṅ giapunéśa dal disc al gh'à 'n braṅ da piò, The Prince, còver di Diamond Head.

Furmasiòṅ

Nòti

  1. Metallica – …And Justice For All rockgarage.it, 17 ad Mars dal 2012
  2. Jason Newsted: «Un remaster p'r "And Justice For All"? A n al vój briśa» underradiorock.com, 19 ad Dicémbar dal 2013