Victoria Silvstedt

Da Wikipedia.

C'l artìcul chè 'l è scrit in Miranduléś Emiliàn

La Victoria Silvstedt


«
Saturday Night, I feel the air is getting hot like you baby, I'll make you mine you know, I'll take you to the top, I'll drive you crazy, Saturday Night, dance, I like the way you move pretty baby.»
(EN)(Saturday Night, 2010)
«
Sàbat Nòt, a sènt l'ària ch'la dvènta bujénta cuma tè teśôr, a t farò dvintàr mio 't al sà, a t purtarò in élt, a t farò dvintàr mat, Sàbat Nòt, bala, a m piàś cuma ta t mōṿ bèl ragàs.»
(MUD)


La Victoria Silvstedt (Skellefteå, 19 ad Setémbar dal 1974) l'è na mudèla, atōra, cantànta e showgirl śvedéśa. L'è élta 1,81 mètar e al sò miśùri i èṅ 95-63-97 (téti e làbar arfàt).

Victoria la dascór dimóndi bèṅ in Śvedéś, Inglés e Francés ma la s la cava anc in Itagliàn.

Biugrafìa

Victoria tòlta śò in dal 2009

In dal 1993 la s préśénta a 'l cuncûrs ad "Miss Śvèsia", vins par la Johanna Lind, e pò a "Miss Mónd". La vèṅ duciàda par 'n agìnt ad mudèli francéś ch'al la mét sóta cuntràt faghénd-la tacàr a lauràr in dal mónd dla mòda e dal fashion. Victoria la s impégna acsè par Chanel, Christian Dior, Loris Azzaro, Givenchy, Valentino, Giorgio Armani e at'r incóra.

Sèmpar in c'l an lè la s cava śò par Girls of Northern Europe (Bishiõjo-kikõ). In dal 1996 Hugh Hefner al la sarnìs p'r al nùmar ad Dicémbar ad Playboy cuma Playmate.

In cal méntar la taca anc a recitàr in soquànt film e telefilm cuma Melrose Place, The indipendent e BaseketBall. La biónda mudèla śvedéśa la riva in Itâglia in dal 1999 e dal nòstri bandi la gira Bodyguards, La mia vita a stelle e strisce, e al film par la tv Un maresciallo in gondola.

Par la televiśiòṅ la fà déś puntàdi ad Fenomeni in sla Rai 2 insém a Piero Chiambretti e pò Scommettiamo Che?, !Fuego! e La Grande Notte par la Simona Ventura.

In dal 2004 la fà la part dl’Inga in dal film da rìdar Boat Trip insém a Cuba Gooding Jr. e Roger Moore.

Da 'l 2006 a 'l 2011 la prila al caśèli in dla traśmisiòṅ La róda dla Furtùna p'r al televiśiòṅ itagliàni e francéśi.

In dal 2007 la vèṅ ciamàda da Claudio Risi p'r al sò film Matrimonio alle Bahamas cun Massimo Boldi e Anna Maria Barbera e 'l an dòp la gira Un'estate al mare par Carlo Vanzina.

Al canàl Sky Jimmy al manda in ónda un reality su la sò vita da 'l tìtul Victoria Silvstedt, la mia vita perfetta.

Vita privàda

La Victoria la s è spuśàda cun al giurnalìsta Chris Wragge in dal Śugn dal 2000 ma la s è pò divìśa da lò siē an dòp.

Televiśiòṅ

  • 1999 - Fenomeni - par la televiśiòṅ itagliàna Rai 2
  • 2001 - Scommettiamo che...? - par la televiśiòṅ itagliàna Rai 1
  • 2001 - Fuego! - par la televiśiòṅ itagliàna Italia 1
  • 2001 - Galà della Pubblicità - par la televiśiòṅ itagliàna Canale 5
  • 2003 - La Grande Notte - par la televiśiòṅ itagliàna Rai 2
  • 2003 - Quelli che...il calcio - par la televiśiòṅ itagliàna Rai 2
  • 2006/2011 - La roue de la fortune - par la televiśiòṅ francéśa TF1
  • 2007 - Scherzi a Parte - par la televiśiòṅ itagliàna Canale 5
  • 2007/2009 - La ruota della fortuna - par la televiśiòṅ itagliàna Italia 1
  • 2009/... - Le grand betisier/Speciale betisier - par la televiśiòṅ francéśa TF1
  • 2009/... - Qui sera le meilleur ce soir - par la televiśiòṅ francéśa TF1

Cìnema

  • 1998 - Beach movie
  • 1998 - Baseketball
  • 1999 - Melrose Place (telefilm - 2 epiśòdi)
  • 2000 - Ivansxtc
  • 2000 - Naken
  • 2000 - The Independent
  • 2000 - Bodyguards - Guardie del corpo
  • 2000/2001 - Son of the Beach (telefilm - 2 epiśòdi)
  • 2001 - Out Cold
  • 2001 - Cruel Game
  • 2002 - Boat Trip - Crociera per single
  • 2002 - Un maresciallo in gondola film TV
  • 2003 - La mia vita a stelle e strisce
  • 2003 - Ocean Ave (telefilm - 6 epiśòdi)
  • 2007 - Matrimonio alle Bahamas
  • 2008 - Carry on London
  • 2008 - Un'estate al mare
  • 2010 - Il truffacuori - Professionista in separazioni

Discugrafìa

Àlbum

  • 1999 - Girl On The Run

Sìngui

  • 1999 - Hello Hey
  • 1999 - Rocksteady Love
  • 1999 - Party Line
  • 2010 - Saturday Night

Culegamènt estéran

Eter pruget