Velluto blu

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Blue Velvet
Velluto blu
Velluto blu.png
La Dern, la Rossellini e MacLachlan in na figùra dal film
Vlû blù
1986
Regia: David Lynch
Scritùr: David Lynch
Atùr: Kyle MacLachlanIsabella RosselliniLaura Dern
Dennis HopperGeorge DickersonHope Lange
Müsica: Angelo Badalamenti
Dürä dal film: 120 minüt
Lengua: Ingléś


«
'L è 'n mónd strân.»
(Tagline dal film)


Velluto blu (Vlû blù) 'l è 'n thriller dal 1986 ad David Lynch prudót da Dino De Laurentiis. La pelìcula la s ciàma acsè par via dla cansòṅ Blue Velvet ad Bobby Vinton cantàda in dal film par l'Isabella Rossellini méntar la s śibìs in dla lucàl nutùran Slow Club.

'L à fat sù òt migliòṅ e mèś ad dòlar in tut a frónt 'd un cóst ad siē migliòṅ.

Sunt

Jeffrey Beaumont (Kyle MacLachlan), studènt d'l Oak Lake College, al tórna in dal sò paéś ad Lumberton p'r andàr a catàr sò pàdar c'l iva patî 'n cólp che par pôc a n 'l iva fat séc. Méntar 'l è drē a far la strada che da 'l uśdàl la pòrta a cà sua, al véd par tèra in un caradòṅ bandunâ 'n uréć tajâ via ad nét. Al śóvan 'l al tōś sù par purtàr-'l a 'l detective dla pulisìa John Williams (George Dickerson). Al cgnós acsè anc sò fiōla, la Sandy (Laura Dern), ch'la gh dascór dla Dorothy Vallens (Isabella Rossellini), na cantànt ad nightclub ch'la pōl ès'r-'g in mèś. Chi lōr dū i tàc'n a indagàr.

Na sira al śóvan al gh la cava a insfilsàr-as dèntar 'l apartamènt dla Dorothy par scuriuśàr e, quànd a riva chi lē, lò al s lóga sénsa furtùna in d'l armàri. La cantànta, cun un curtlàs in maṅ, la 'l fà vgnir fóra subìt e, cardénd che chi lò al sia sōl un guardòṅ spurcaciòṅ, la decìd ad śugàr sèg faghénd-al cavàr śò dal tut par pò far-'g un buchèṅ.

In dal méntar i bùs'n a 'l us e lē l'è custréta a dar-'g un taj spidénd-'l incóra in d'l armàri. Quànd la vèra la pòrta a vèṅ dèntar Frank Booth (Dennis Hopper), 'n óm ch'al la pìcia da spés e anc cla vòlta lè, cun Jeffrey ch'al véd incòsa sénsa psér-ag far gnint méntar la pòvra dóna la patìs la śdòrmia cun dal gas.

Culegamènt estéran