Ski College
|
C'l artìcul chè 'l è scrit in
Miranduléś |
 Frostbite
| ||
| Ski College | ||
 Adam Grimes e la Traci Lords in na figùra dal film | ||
| Culéǵ ad sî 2005 | ||
|---|---|---|
| Regìa: Jonathan Schwartz | ||
| Scritōr: Paul Miller • Steve Rogers | ||
| Atōr: Adam Grimes • Peter Jason • Traci Lords Phil Morris • Carmen Nicole Tonarelli • Baelyn Neff Oliver Macready • Ron Zimmerman • Rick Overton Christian Oliver • Maggie Rowe • Wes Ramsey | ||
| Müsica: Richard Kosinski | ||
| Léngua: Ingléś | ||
| Dürä dal film: 83 minüt | ||
| Nasiōṅ: Stat Unî | ||
Ski College (Culéǵ ad sî) l'è na cumèdia americàna dal 2005 ad Jonathan Schwartz vgnuda fóra diretamènt p'r al marcâ d'l home video.
L'è custàda dū migliòṅ e quàt'r ad dòlar.
Sunt
Billy Wagstaff (Adam Grimes) e la Casey Richards (Carmen Nicole Tonarelli) i vìv'n a Venice, quartēr a òvest ad Los Angeles, e i èṅ amìg da quànd i éran pìcui. Un dè al ragàs al ricév na létra da part dal culunèl Jaffe (Peter Jason) dla Mountain Pine Academy par dir-ag ch'l è stâ tòlt in cal sèntar lè in du i s crés'n i campiòṅ nasiunài ad snowboard.
Billy al partìs dònca p'r i mònt Mammoth insém a la sò amìga e, rivâ in muntàggna in dal paiśèṅ lòfi ad Schitville, i s férm'n in dal Naomi Bucks dla Naomi Bucks (Traci Lords), na barìsta sćèta ma vulgaròta ch'la gh sarvìs da bévar. I s fàn'n avànti sinc śōvan dal pòst, Balls (Matt Baker), Shaft (Kareem Matthews), Grabs (Troy Bellinghausen), la Gash (Maite Schwartz) e Sack (Adam Crosby), ch'i gh scuréś'n in fàcia a tùran par dar-'g al bèṅvgnû. In dal bar a gh'è anc 'n òrub ciamâ Danny Temples (Ron Zimmerman) ch'al gh dà in afìt 'n apartamintèṅ. In dal far-'g-al védar, chi lò al ciàpa incòst a tut ma pò al diś sèmpar ch'al n vōl minga èsar jutâ parchè al n è mia sòp.
Rivâ in dla strutùra dla scōla, Billy al cgnós i sò culéga, tut ric e piutòst daśgustóś: al tedésc Hans Gruber (Christian Oliver), al śvedéś Sven Darden (Gus Farewell), al rus Nootnick Krasdin (Wes Ramsey), al śvìsar ebrèj Schlomo Boardstein e 'l americàṅ Brandt Von Hoffman (Oliver Macready) ch'al s gusàva la fiōla malnéta dal culunèl, la Winter (Baelyn Neff), una ch'i gh piàśan sōl qvéi cun di bèsi.
Billy al n è minga tratâ bèṅ da 'l grup e gnanc da Jaffe ch'l a casa via faghénd-al ruślàr śò da i mònt dènt'r a 'n bidòṅ dal rusc. Par far véd'r al sò valōr, 'l èx campiòṅ ad snowboard négar J.P. Millhouse (Phil Morris) al gh cunsìlia 'd vgnir śò da la riva dla muntàggna dimóndi a risć cgnusùda cuma „La Cavra“. Sōl n'atra parsòna ólt'r a lò al gh l'à cavàda, tut chi àtar i èṅ mòrt.