Regipêt

Da Wikipedia.
C'l artìcul chè 'l è scrit in Carpśàn Emiliàn
Na spianèda 'd regipêt ind un baśâr
Un regipêt ròs cul còpi prefurmèdi

Al regipêt 'l è cl' elemèint 'dla biancherìa 'd sòta ch' al quàcia e però al tin sòdi al pêt 'd cal dòni. In di tèimp piò śvèin 'l è permìs anca 'd fèrel vèder u intravèder fôra da na camiśèta u da na giachèta, al piò del vòlti per na parsialitè, e dòunca 'l è gnû a fer pèrt 'di cmànd edla môda.

I regipêt i s càten ed cutòun, ed pìs e 'd tùl, e in soquànti cunfesiòun diferèinti: al piò urdinàri 'l è quèl cuśî a triàngul in sul còpi, mo po' a gh' è i regipêt cul còpi prefurmèdi, già piò vàlid stilisticamèint e piò funsiunèl, in dû la còpa la gh' à già la forma tonda prìma 'd èser mìsa indòs e 'l sustègn 'l è garantî; a gh' è i regipêt a balcunsèin, in dû, cùm' a 'n balcòun, i sèin i s fâcen bèin spurgìnt in sìma al mantègn; a gh' è anca i regipêt p'r al sport, perchè al pêt 'd al dòni, fènd dal sport, al gh' à biśògn 'd sustègn e però anca 'd praticitè in di muvimèint atlètic.