Mudànti

Da Wikipedia.
C'l artìcul chè 'l è scrit in Carpśàn Emiliàn
Quàter pera ed mudànti destéśi a sughères fóra dal tràs
Mudànti da òm
Mudànti da dòna


El mudànti egl' în cl' indumèint ed sòta ch' al quàcia (u in soquànt chèś, al véla) chel perti dal noster còrp ch' i stan sèimp'r a l'ôra. Al nòm "mudànti" al deśvîn dal latèin mutanda, ciuè un quèl ch' al s'rèv da cambièr despès. A s pōl catèr dal mudànti 'd cutòun, ed lana (mudantòun u mutandòun), ed séda, ed pìs, ed lycra, ed tùl.

El mudànti egl' în abàsta diferèinti prìma 'd tùt s' egl' în per cal dòni u p'r i òm, sovertùt per dal necesitè 'd cuntensiòun e prutesiòun del rispetìvi diferèinti perti genitêli.

El mudànti da dòna i s pólen catèr ed soquànti fórmi diferèinti, cum' al slìp, al tanga, al periśôma, la braśiliâna e la culotte; mèinter che chi òm i pólen druèr i slìp, i boxer, al periśòma u i mudantòun 'd lana.

El mudànti 'd lung al tèimp

Al n' è mìa dimòndi tèimp ch' l' òm al drôva 'l mudànti a quèl ch' a s pól cavèr dal fòunt antìghi, e soquànti paróli i s càten in dal stôric Paolo Diacono ch' al còunta che Alahis, dùca 'd Trèint, al vlìva che 'n ambasadôr ed 'l Arsivèscuv, al psìs ciacarèr ség si munda femoralia habet, ciuè a cundisiòun ch' al gh' ìs el mudànti pulìdi.

In dal pasè el mudànti i éren druèdi piò dai òm che dal dòni perchè chilôr i druèven piotòst 'na camìśa. Sōl a partìr da un pèra 'd sècul fa, el mudànti i tàchen a èser druèdi da cal dòni, prìma lunghi 'd lung al gambi e anca sustgnùdi cum' i mudantòun, p'r el dòni piò rìchi, po' a pòc a pòc piò pràtichi e curti anca per tùti chegli ètri dòni infìn a dvintèr cl' indumèint ch' a cgnusòm anc' incō.

Vôś lighèdi

Culegamèint estèren