Le due sorelle

Da Wikipedia.

C'l artìcul chè 'l è scrit in Miranduléś Emiliàn

Sisters
Le due sorelle

La Margot Kidder in na figùra dal film
Al dū surèli
1973
Regìa: Brian De Palma
Scritōr: Brian De Palma • Louisa Rose
Atōr: Margot KidderJennifer SaltArt Evans
Charles DurningWilliam FinleyLisle Wilson
Olympia DukakisJames MapesDolph Sweet
Barnard HughesCathy BerryMary Davenport
Müsica: Bernard Herrmann
Léngua: Ingléś
Dürä dal film: 92 minüt
Nasiōṅ: Stat Unî


«
P'r òpra dal diàvul lè lōr i éran tacàdi quànd i èṅ nadi e 'l mâł al n li bandunarà mai!»
(Tagline dal film)


Le due sorelle (Al dū surèli) 'l è 'n film thriller dal 1973 ad Brian De Palma ch'al 'l à anc scrit insém a la Louisa Rose. 'L è stâ girâ c'n un budget ad sincsènt-mila dòlar.

In dal 2006 'l è vgnû fóra 'n arfacimènt ad cal film chè c'n al stés tìtul cun prutagunìsta Lou Doillon, Stephen Rea e la Chloë Sevigny.

Sunt

La mudèla Danielle Breton (Margot Kidder) la tōś part a 'n spetàcul televiśìṿ in dua i s fànan dal candid camera. A la fiṅ dla traśmisiòṅ la và fóra a tōr quèl insém a Phillip (Lisle Wilson), una dal vitmi di schèrs in dua la dóna la s éra dada da far. I dū i pàsan pò la nòt a cà 'd lē a Staten Island (New York), pròpria 'l dè prima dal sò cumpléan e ad sò surèla ch'la divìd 'l apartamènt sèg. Più tard Phillip al và śò par cumpràr-ag soquànti madśìni che lē la gh'à biśógn e anc na tórta. Quànd però al tórn' in cà, sò surèla la 'l cópa a scurtlàdi.

In cal méntar Emil Breton (William Finley), 'l èx marè dla Danielle ch'al i tgniva 'd òć da la sira prima, al riva lè 'd cursa jutànd-la a lugàr al cadàvar ma na giuranlìsta ch'la stà in dal palàs lè darènt, la Grace Collier (Jennifer Salt) l'à fat in tèmp a véd'r incòsa e a ciamàr la pulisìa. Quànd però qvist chè i rìv'n in sal pòst e i n càtan gnint i pénsan che lē la s sia invintàda tut.

La Grace, pèś 'd un bric, la s impùnta e la s mét in tèsta 'd andàr-'g a fónd da par lē insém a 'n investigadōr privâ. La vèṅ a savér acsè che la Danielle la gh'iva na surèla śmèla siaméśa, la Dominique (Margot Kidder), ch'l'è pò mòrta quànd i dutōr i aṅ tintâ ad divìd'r-li.

Culegamènt estéran