Home Movies - Vizietti familiari
|
C'l artìcul chè 'l è scrit in
Miranduléś |
 Home Movies
| ||
| Home Movies - Vizietti familiari | ||
 La Nancy Allen in na figùra dal film | ||
| Visiét ad famìja 1980 | ||
|---|---|---|
| Regìa: Brian De Palma | ||
| Scritōr: Brian De Palma • Charlie Loventhal Dana Edelman • Robert Harders • Kim Ambler Stephen Le May • Gloria Norris | ||
| Atōr: Nancy Allen • Kirk Douglas • Keith Gordon Mary Davenport • Loretta Tupper • Gerrit Graham Theresa Saldana • Vincent Gardenia • Kari Borg | ||
| Müsica: Pino Donaggio | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Home Movies - Vizietti familiari (Visiét ad famìja) 'l è na cumèdia indipendènta dal 1980 ad Brian De Palma ch'l à anc scrit al sugèt. I gh dànan na maṅ anc soquànt studènt dal Sarah Lawrence College ad Bronxville in dua al regìsta 'l insgnàva in alóra.
Custàda quatarsènt-mila dòlar a 'l incìrca, un cóst dimóndi bas dòp soquànt film cun di budget élt, la 'n à pò fat sù sōl utantanóṿ-mila.
Sunt
Un śóvan studènt ad cìnema, Denis Byrd (Keith Gordon), tgnénd a drē a gl'insegnamènt dal sò mìstar, al dutōr Tuttle (Kirk Douglas) dit “Al maestro”, al decìd ad far un ducumentàri “fat in cà” tulènt śò la vita ad tut i dè dla sò famìja sénsa che lōr i sàppian quèl.
Al pàdar dal ragàs, al dutōr Byrd (Vincent Gardenia), al fà i còran a sò mujér (Mary Davenport), ch'la piànś sèmpar, andànd cun al sò infarméri. Sò fradèl James (Gerrit Graham) invéci 'l è òṅ ch'al tîṅ sèmpar la part di masć e 'l à spuśâ na sò manéra ad vìvar ciamàda "spartanìśum". 'L à anc mis da na banda al fast-food sarnénd ad pasàr al sò tèmp faghénd 'l insgnànt in di boyscout. La muróśa ad chi lò, la Kristina (Nancy Allen), la gh'à na quàlc rudèla fóra ad pòst e dal vòlti la créd 'd èsar al sò cunèṅ biànc ad pèsa. Inóltar la gh'à sèmpar vója ad far dal purcàdi c'n i óm e ad fumàr dal sigaréti.
Denis al và avànti girànd incòsa.