La scelta (film 2004)
|
C'l artìcul chè 'l è scrit in
Miranduléś |
 Torn Apart
| ||
| La scelta | ||
.png) Anthony Michael Frederick in na figùra dal film | ||
| La sarnìda 2004 | ||
|---|---|---|
| Regìa: Stuart Alexander | ||
| Scritōr: Stuart Alexander | ||
| Atōr: Tia Carrere • Dale Midkiff • Richard Burgi Michael Arata • Andrea Frankle • Lara Grice Anthony Michael Frederick • Matthew Henerson | ||
| Müsica: Harry Manfredini | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
La scelta (La sarnìda) 'l è 'n thriller americàṅ par la televiśiòṅ dal 2004 scrit e dirèt par Stuart Alexander.
La pelìcula l'è stada giràda a New Orleans.
Sunt
Dòp un matrimòni dasfurtunâ, la dutōra Vicki (Tia Carrere) la s è arfàta na vita spuśànd al psichiàtra Billy Westin (Richard Burgi) ch'al gh'à dâ na putìna ciamàda Jordan (Zoe Gaffin). In dal dè dal sò cumpleàn la ricév un pactèṅ cun 'n arlój dènt'r e un fujét cun scrit insìma „l'è óra ch'at faga la tò sarnìda, cun tut al mè amōr in dal dè dal tò cumpleàn“. Sò marè al s arlìa parchè al créd ch'a mandàr-'l a sia stâ al sò èx marè da pôc vgnû fóra da parśòṅ.
Al dè dòp la dóna la và a lauràr a 'l uśdàł in du la prèsta servìsi ma quànd la tórna a cà la n cata ninsòṅ. La Vicki la và a denunsiàr la sparisiòṅ di suo a la pulisìa, in du la dascór cun gl'agìnt Bingham (Michael Arata) e Forbes (Anthony Michael Frederick), pò la ricév na telefunàda da part dal rapitōr ch'al gh diś ch'l è stâ lò a sequestràr sò marè e sò fiōla e ch'la gh'à da sarnìr, in quarantòt óri, chi di dū salvàr. 'L óm al gh diś 'd a n dir gnint a la pulisìa o sinò lò al cuparà i suo.
Cla sira lè Bingham e Forbes i la vàn'n a catàr a cà sua parchè i aṅ catâ la màchina vōda 'd sò marè in dal fòs. La dóna, par prutèś'r-i, la diś ch'la gh'à péna dascōrs a 'l telèfun e ch'a và tut bèṅ. In cal méntar tri dirigìnt dl'asicurasiòṅ Entcom i vìnan masâ.
La Vicki la dmanda ajùt a la sò amìga Cindy (Lara Grice) ch'la gh fà avēr na pistòla. Dascurénd sèg, la s admànda: chi pōl'l èsar stâ? Al sò èx? Un sò pasiènt o òṅ ad sò marè? Al sò culéga cirùśig Lou Crenshaw (Matthew Henerson)? La Vicki la decìd 'd andàr a cà sua ma la 'l cata mòrt masâ e la finìs fra i suspetâ esénd che di testimòni i aṅ vdû là la sò màchina.
Al ricatadōr 'l è 'l sò culéga infurmàtig Jerry Bender (Dale Midkiff) ch'al s vōl vindicàr di respunsàbii 'd 'n intervènt andâ mâł su sò mujēr, l’Alice Raymond (Andrea Frankle).