La morte ti fa bella

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Death Becomes Her
La morte ti fa bella
Morte ti fa bella.png
La Goldie Hawn e la Meryl Streep in na figùra dal film
La mòrt la t fà bèla
1992
Regia: Robert Zemeckis
Scritùr: Martin Donovan • David Koepp
Atùr: Meryl StreepGoldie HawnBruce Willis
Isabella RosselliniMary Ellen TrainorIan OgilvySidney Pollack
Müsica: Alan Silvestri
Dürä dal film: 103 minüt
Lengua: Inglés
Nasiòun/Paèiş: {{{Nasiòun/Paèiş}}}


«
A gh'è dla gint ch'la farés incòsa p'r armàgnar śóvna par sèmpar. Ma la Madeline Ashton e la sò vècia 'mìga Helen Sharp i èṅ drē a 'ndàr tròp in là.»
(Tagline dal film)


La morte ti fa bella (La mòrt la t fà bèla) 'l è na cumèdia négra americàna dal 1992 ad Robert Zemeckis, vinsidōra 'd un Prèmi Òscar in dal 1993 p'r i efèt speciài.

Custàda sinquànta-sinc migliòṅ ad dòlar, la n à fat sù sènt-sinquànta a 'l incìrca.

Sunt

L'atōra bèla ma lòfi Madeline Ashton (Meryl Streep) la fréga al muróś, al dutōr Ernest Menville (Bruce Willis), a la sò vècia cumpàgna ad scóla, adès scritōra, Helen Sharp (Goldie Hawn). Chi lē la patìs 'n eśaurimènt narvōś, la mét sù di chilo e l'è custréta a far-as curàr in clìnica, ma la gh la giùra.

Dòp soquànt an ad matrimòni però la vita dla Madeline cun Ernest l'è 'n diśàstar. Lì lò, ch'al gh'à 'l visi dal bévar, al s è ardùt sōl a lavuràr cun i còrp dal star mòrti, meritànd-as al scutmàj ad becamòrt dal star. Lì lē invéci l'à tacâ a dvintàr vècia e la sò belésa l'è drē a 'ndàr via.

Quànd a vèṅ al dè dla preśentasiòṅ 'd un lìbar dla Helen, la Madeline la decìd 'd andàr-ag par tōr in gir la sò vècia 'mìga, cardénd ch'la sia incóra na budlòna, ma a n è minga acsè parchè qvala là la pâr un figurèṅ e anc più śóvna. Al dū dóni i fànan finta 'd ès'r amìghi e i s faṅ di cumplimènt fals, la prima la la ciàma Hell (infèran), ch'l'àtra Mad (mata).

Na sira l’Helen la và a cà dal sò vèć muróś Ernest, quànd la Madeline la n gh'è briśa, e la gh śibìs ad cupàr sò mujér par psér acsè turnàr insém e èsar cuntènt 'l un cun cl'atra. In cal méntar l'atōra la và in un salòṅ ad belésa ad Beverly Hills par turnàr incóra a èsar cuma prima. Lè la cata la Lisle Von Rhoman (Isabella Rossellini) che, in cambi ad dimóndi bèsi, la gh prumét 'd armét'r-la a pòst. E l'è qvél ch'a sucéd pò dabòṅ.

Culegamènt estéran