Grano rosso sangue
|
C'l artìcul chè 'l è scrit in
Miranduléś |
 Children of the Corn
| ||
| Grano rosso sangue | ||
 La Linda Hamilton in na figùra dal film | ||
| Graṅ rós sangṿ 1984 | ||
|---|---|---|
| Regìa: Fritz Kiersch | ||
| Scritōr: Stephen King • George Goldsmith | ||
| Atōr: Peter Horton • Linda Hamilton • Robby Kiger R.G. Armstrong • John Franklin • Courtney Gains John Philbin • Anne Marie McEvoy • Jonas Marlowe | ||
| Müsica: Jonathan Elias | ||
| Léngua: Inglés | ||
| Dürä dal film: 92 minüt | ||
| Nasiōṅ: Stat Unî | ||
Grano rosso sangue (Graṅ rós sangṿ) 'l è 'n film ad scarésa girâ in dal 1984 par Fritz Kiersch e 'l è trat da 'n racònt ad Stephen King, I fiōi dal graṅ, tirâ fóra da la racòlta Dal vòlti i tórn'n indrē. Custâ utsènt-mila dòlar, al 'n à pò fat sù quìndas migliòṅ in di sōi Stat Unî.
La pelìcula la gh'à abû siē séguit: Grano rosso sangue 2: Sacrificio finale dal 1992, Grano rosso sangue 3: Urban harvest dal 1995, Grano rosso sangue 4: Inferno a Grand Island dal 1996, Grano rosso sangue 5: Gli adoratori del male dal 1998, Grano rosso sangue 666: Il ritorno di Isaac dal 1999 e Grano rosso sangue 7: Revelation dal 2001.
Sunt
Durànt un viàś in màchina, fra 'l stradi vōdi dal Nebràska in mèś a di camp ad graṅ e malghét, dū śóvan, al dutōr Burt (Peter Horton) e la sò muróśa Vicky (Linda Hamilton), i métan sóta un ragàs ma chi lò 'l éra bèla mòrt. Lì lōr i decìdan acsè 'd andàr in dal paiśèṅ ad Gatlin par cuntàr qvél ch'l è sucès. Rivâ là però i càtan sōl di baghét e di ragàs. A n gh'è gnanc un grand parchè chi lōr i i aṅ cupâ tut, a cólp ad furcàr e msóri, in nóm 'd 'n èsar ciamâ Qvél ch'al gira p'r i filàr.
A cap dal grup ad putèṅ rabî i gh'èṅ Isaac (John Franklin) e Malachia (Courtney Gains). La léǵ dal pòst la diś che quànt un ragàs al cumpìs daśdòt an, al gh'à da masàr-as par far cuntènt al Dio ch'al s lóga da drē da 'l graṅ.
I ragasōi i gh la càvan a ciapàr la Vicky e a mét'r-la insìma a na cróś ad fój ad graṅ. Par sò furtùna, in sò ajùt, i rìvan la Sarah (Anne Marie McEvoy) e sò fradèl Job (Robby Kiger), dū ad chi putèṅ là decìś però a 'rvultàr-as.