Frankenstein Junior

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Young Frankenstein
Frankenstein Junior
Frankenstein junior.png
La Leachman, Feldman, la Garr e Wilder in na figùra dal film
Frankenstein Junior
1974
Regia: Mel Brooks
Scritùr: Mary Shelley • Mel Brooks • Gene Wilder
Atùr: Gene WilderMarty FeldmanPeter Boyle
Madeline KahnCloris LeachmanTeri GarrGene Hackman
Müsica: John Morris • Mel Brooks
Dürä dal film: 106 minüt
Lengua: Inglés
Nasiòun/Paèiş: {{{Nasiòun/Paèiş}}}


«
La cumèdia più diverténta dal mónd!»
(Tagline dal film)


Frankenstein Junior (id.) 'l è na cumèdia americàna, giràda in biànc e négar, dal 1974 ad Mel Brooks. Custdàda gnanc tri migliòṅ ad dòlar, la 'n à fat sù da piò 'd utànta-siē. 'L è stada scrita da Mel Brooks insém a 'l atōr prutagunìsta Gene Wilder e a Paul Oxon, tulénd ispirasiòṅ da 'l rumànś Frankenstein dla Mary Shelley.

In dal 2003 gl'americàṅ i l'aṅ sarnìda par métar-la via in dal National Film Registry dla bibliutéca dal cungrès di Stat Unî. In Itâglia l'à vindû da piò ad sincsènt-mila còpi in dvd.

Sunt

Al dutōr famóś e prufesōr universitàri Frederick Frankenstein (Gene Wilder), anvō dal Baròṅ Viktor von Frankenstein, al ciàpa a la mòrt ad sò nunòṅ al casèl ad famìja in Transilvàgna, esénd lò 'l ùnic parènt incór' in vita. Frederick 'l iva in chi an lè cambiâ la manéra ad dir al sò cugnóm par śluntanàr-as da i pinsēr mèdic dal sò parènt che lò al créd i sìan dal casàdi.

Rivâ in Rumanìa insém a l'asisténta Inga (Teri Garr), al cata lè al gòb Igor (Marty Feldman), anvō dal vèć jutànt dal nunòṅ. Chi lò al gh diś subìt ch'al sò nóm a s lèś Àigor. In dal castèl invéci a gh'è la Frau Blücher (Cloris Leachman), na dóna ch'in alóra l'éra l'amànta dal baròṅ. Lì lē, vistìda sèmp'r ad négar, la fà vgnir i śgriśōr a i òs, specialmènt a i cavài che, quànd lē la dascór cun c'l asènt lè tedésc, i pèrdan la tèsta. Quànd la Blücher la fà catàr a Frederick i apùnt mèdic ad sò nunòṅ, al dutōr al decìd ad pruàr anca lò 'l esperimènt a dar vita incóra a 'n cadàvar.

P'r un śbali 'd Igor, ch'l iva tòlt un sarvèl 'd un demènt invéci che qvél dal siensiâ e sant Hans Delbrück sarnî par l'uperasiòṅ, la criatùra la nas gigànta ma anc séns' usta. Scapâ via da 'l castèl e da 'l sò padròṅ, al móstar al cata prima na putìna lung la via, l’Helga (Anne Beesley) e pò 'n frâ òrub ch'al viṿ da par lò, pàd'r Abelàrd (Gene Hackman), ch'al gh in fà pasàr, sénsa vlér, ad tut i culōr.

Dòp un bal ad tip-tap urganiśâ da Frederick par dimustràr a la gint che lò al n è minga catìṿ cuma a pâr ch'al sia dand 'n òć a la sò ghignàsa, la pulisìa 'l al ciàpa par purtàr-'l in parśòṅ. Spavintâ da 'l fōg impisâ da na guàrdia ch'la gh vliva far dal mâl, al móstar al scapa via e al rapìs l’Elizabeth (Madeline Kahn), la muróśa ad Frederick ch'l'éra rivàda in cal méntar in paéś. Chi lē però l'è cuntènta ad cal fat lè parchè la s rénd cònt che la criatùra l'è grôsa "dapartùt", anc là, anvénd-ag al “Schwanzstück” (śōg ad paròli fra Schwanz, cóa ma anc cas in Tedésc, e Stück, pès).

Culegamènt estéran