Deliria

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Deliria
Deliria.png
Na figùra dal film
Delìria
1987
Regia: Michele Soavi
Scritùr: Lew Cooper
Atùr: David BrandonBarbara Cupisti
Don FioreRobert GligorovMickey Knox
John MorghenClain ParkerLori Parrel
Müsica: Simon Boswell • Guido Anelli • Stefano Mainetti
Dürä dal film: 90 minüt
Lengua: Itagliàn
Nasiòun/Paèiş: {{{Nasiòun/Paèiş}}}


Deliria (Delìria) 'l è 'n film ad scarésa dal 1987 ad Michele Soavi che chè 'l è al sò debùt. 'L è stâ prudót par Joe D'Amato e da lò muntâ anc in na manéra difarénta da quéla pinsàda da 'l regìsta, ch'al s cata sōl in dal marcâ ingléś.

Al tìtul pinsâ a 'l inìsi 'l éra quél 'd Aquarius. In di Stat Unî invéci 'l è cgnusû cuma Bloody Bird o Stagefright. Al film 'l à vins al prim prèmi a 'l Fèstival 'd Avoriaz del 1987.

Sunt

Na cumpagnìa 'd atōr 'l è drē a far al próvi 'd un spetàcul muśicàl a teàtar quànd a la prutagunìsta Alice (Barbara Cupisti) la gh s prila la férla. La sò amìga Betty (Ulrike Schwerk) la la pòrta a far-as védar, sénsa mutìṿ, in un manicòmi e, pròpria cla sira lè, un killer periculóś al scapa via da 'd là. Soquànti óri dòp la Betty la cata la mòrt ciapànd-as un pigòṅ in dla bóca.

Al regìsta Peter Collins (David Brandon) al decìd 'd andàr avànti listés e al sèra dènt'r al teàtar gl'atōr prinsipài, a n dand minga ascólt a i sò lamènt. Al prim at al và acsè in séna e in dla finsiòṅ la Corinne (Loredana Parrella) la gh'arév 'd èsar cupàda par Brett (Giovanni Lombardo Radice), ma a gh'è quèl ch'a traśa e lē la mōr dabòṅ.

Qvést chè 'l è sōl al prim ad na cadéna ad masamènt purtâ a cumpimènt da 'l psicupàtic ch'al pòrta adòs na mascra 'd un barbagiàṅ, al custùm che Brett al druàva in cal spetàcul lè.

Culegamènt estéran