Dante Cigarini

C'l artìcul chè 'l è scrit in Arzân

Dante Cigarini (Rèz 15 ed fervèr 1955) l'é un buratinêr, un ventréloch (vetriloquo in italiân) e un cômich arzân

Buratinêr e ventréloch

Dôp avèir fât divêrs lavōr tra quisché al disgnadōr tètnich, al vedrêr e al geòmetro a la fîn ed l' 80 al câmbia dal tót mistêr e al fònda La Scatola Magica, Progetti Culturali e di Spettacolo. Al fà i prém buratèin in lègn, al mèt insèm soquânt spetâchel per i ragasōl e al tōş pêrta a spetâchel nazionêl ed Buratèin. Da i buratèin al pâsa al mariunèt e pó a i fantôs ed latés ed gòma. L'è in ch' j ân lé ch' al và, cme invidê, a impurtânti trasmisiòun ed la televişiòun ed la RAI e Mediaset. Cun i fantôs ch' a 's mōven al cumîncia un percōrs artéstich vêrs al parlêr cun la pânsa e al teâter cômich per i pió grând. Int al 2008 al fà al debót cun al só spetâchel Me la suono e me la canto.

Cômich e cantânt

Int al 1990 al fònda un gróp muşichêl dialetêl insèm a Gaudio Catellani e Gigi Melloni: al Trietto. Grâsia a la sempatía, a la capasitê e a un psîgh ed matâna al gróp al vîns al prém prèmi dal Festivâl ed la Cansòun dialetêla arzâna. Da cól mumèint a nâs un vèira e prôperia fenômen muşichel arzân. Quând al và insém al pêlch al Trieto al piâsi ed la pruvîncia în pîni cme 'n 'ōv ed gînta ed tóti al j etê, al sō muşicasèti în bruşêdi vìa in un âtim, i pió zôven a fònden i Trietto Vaffans Club. Ind i pôch ân 'd ativitê al gróp al stâmpa e al póblica 42 cansòun in 4 colesiòun.
Al gróp al s' es fà zò ind al 1994 sèinsa un mutîv precîş, mó ógni tânt, 'na quêlch vôlta, al tōrna insém al pelchsènich.

Presentadōr e avtôr ed la televisiòun

Da Zêr 2007 a Zógn 2008 al preşèinta tót i dé un progrâma per la televişiòun dal tétol Massimo Riserbo Swow e al drōva la tètnica dal perlêr cun la pânsa. Fât a pôsta per Telereggio, Massimo Riserbo l' é un fantôc/giurnalésta un pô sprudintê e un pō sunê, fât per i pió grând e per i pió céch. Al só batûdi tra' al tōr in gîr e al mèter in redécol a 's arfân a l'uşânsa popolêra.
Dante Cigarini l' é ânca l'avtōr dal progrâma.

La carēra artéstica

«

...Ho cominciato come cabarettista e poi, quasi per caso, mi mi sono ritrovato cantante. Attualmente sono burattinaio e ventriloquo. Tra una cosa e l’altra ho fatto lo scrittore, il prestigiatore, il cantastorie, lo zampognaro e il conduttore televisivo. Sempre meglio che lavorare!

(...)

All’età di diciassette anni ho conosciuto un comico.
Mi disse che il comico è il mestiere piu’ bello del mondo e aveva ragione.
Mi disse che i comici hanno tanti ammiratori, sostenitori, conoscenti e parenti... ma di solito non hanno amici. Anche in questo aveva ragione.
Qualche anno dopo ho cosciuto un cantante, anzi due.
Insieme eravamo un Trietto, anche se la cosa piu’ intonata che avevo era la cravatta. Malgrado ciò, tutto filava liscio perché ognuno di noi era convinto che a cantare fossero gli altri due. Tutto finì tragicamente dopo un concerto, quando andammo a sbattere contro una colonna... sonora.
Poi ho conosciuto un burattinaio. Mi ha insegnato che il pupazzo è una maschera, un’estensione del braccio, una parte del burattinaio stesso, un’entità vivente con i suoi pregi e i suoi difetti. Grazie ai pupazzi ho vinto un po’ della mia timidezza. A volte i miei pupazzi dicono cose che mi fanno arrossire.

(...)

Di solito lascio decidere agli altri se sto lavorando o giocando.
Mi piace pensare di fare entrambe le cose insieme.»

( Da 'n intervésta dal 2008)

Eleinch dal dâti e di fât

1977: Cun Paolo Bonacini e Alessandro Luca Pelati al fònda la cumpagnía ed cabarèt: Il Gruppo del Torlone
1988: Al fònda La Scatola Magica – Progetti Culturali e di Spettacolo
1988: Al preşèinta al só prèm spetâchel cme buratinêr: Fagiolino Sandrone e il Bosco Stregato
1990: Cun Gaudio Catellani e Gigi Melloni al fònda al gróp dialetêl cômich/muşichêl al Trietto, che , insèm, a stâmpen e póblichen 4 colesiòun ed cansòun Trietto Schers, Trietto Wanted, The Best, Trieccoci.
1992: Al preşèinta al só secònd spetâchel per ragasōl: Le piccole Fiabe del grande Pappagallo
1994: Al preşèinta al só têrs spetâchel per ragasōl: Il Cappello nel Coniglio
1997: Al scrév e al póblica al léber ed fōli: Pierin Fagiolo ed altre storie reggiane Creativ Editore
1998: Al preşèinta al só quêrt spetâchel per ragasōl: La valigia delle Meraviglie
1999: Al vîn invidê a Sette per uno insém a RAI UNO
1999: Al lavōra intōrna e al póblica: Francigena P.G.BO Editore
1999: Al preşèinta al spetâcol viazânt: Il Contastorie cun piât, catóba e ghinghingôla.
2000: Cun Enrico Belgrado l'invèinta e al prudóş la manifestasiòun: Il Palio della Formaggia, cl' é 'na cōrsa tra atlêt che fân la gâra cun 'na fōrma ed Grâna insém al spâli.
2000: Al scrév e al póblica: La valigia delle Meraviglie Elledici Editore
2001: Al vîn invidê a Uno mattina insém a RAI UNO
2001: Al preşèinta al spetâcol muşichêl viazânt: Arriva lo Zampognaro
2001: L'invèinta e al prudóş la manifestasiòun: Corri al Centro, 'n' idèja per turnê a fêr arvivîr i cèinter stōrich
2002: Al vîn invidê a Buona domenica insém a Canale 5
2002: Al preşèinta al só quînt spetâchel per ragasōl: L’Unguento Miracoloso
2003:Cun Antonello Longo Pinto al preşèinta al spetâcol ed teâter de strêda: L’Ultimo degli Orsanti
2004: Al prudóş al spetâchel: Il Circo degli Asinelli inspirê al mònd dal teâter viazânt e 'd j artésta girôvagh.
2005: Al preşèinta al só sèst spetâchel per ragasōl: Ventriloqui quo qua
2006: Al prudóş al j idèj per i ragasōl: Asino chi Legge e Asino Bus
2007: L'invèinta e al prudóş l' idèja per i ragasōl: Il Gioco dell’Asino
2007: L'invèinta e al mânda avânti al progrâma: Massimo Riserbo Show in ònda tót i dé insém a Telereggio.
2008: Cun Edi Righi e cun Davide Borghi l' urganéşa Asino Days al pió grôs radûn mondiêl 'd êşen
2008: Al preşèinta al spetâcol teatrêl: Hamlet il ventriloquo
2008: Al preşèinta al spetâcol cômich: Me la suono e me la canto ché al drôva la tètnica dal parlêr cun la pânsa.

Colegamèin d'ed fōra