Chi giace nella mia bara?

Da Wikipedia.

C'l artìcul chè 'l è scrit in Miranduléś Emiliàn

Dead Ringer
Chi giace nella mia bara?

Peter Lawford e la Bette Davis in na figùra dal film
Chi è'l drē a punsàr in dla mè casa da mòrt?
1964
Regìa: Paul Henreid
Scritōr: Albert Beich • Oscar Millard • Rian James
Atōr: Bette DavisKarl MaldenPeter Lawford
Philip CareyJean HagenGeorge Macready
Estelle WinwoodGeorge ChandlerKen Lynch
Müsica: André Previn
Léngua: Ingléś
Dürä dal film: 115 minüt
Nasiōṅ: Stat Unî


«
I éran dū śmèli che na vòlta i parìvan cumpàgni in tut in fiṅ tant che...»
(Tagline dal film)


Chi giace nella mia bara? (Chi è'l drē a punsàr in dla mè casa da mòrt?) 'l è 'n thriller noir in biànc e négar dal 1964 ad Paul Henreid trat da 'l rumànś “La Otra” (cgnusû anc cuma “Dead Pigeon”) ad Rian James. In di Stat Unî 'l è cgnusû anc c'n al tìtul ad „Who is Buried in my Grave?”, ch'al s davśìna a qvél itagliàṅ, in śònta a 'l tìtul uficiàl ad „Dead Ringer” (Cumpàgn spudâ).

'L è stâ girâ a Los Angeles e a Beverly Hills. In dal 1946 'l è vgnùda fóra na prima versiòṅ dna pelìcula trata da 'l rumànś, La Otra diréta par Roberto Gavaldón cun la Dolores del Río.

Sunt

A 'l funeràł dal sò ric marè Frank Delorca, la Margaret Phillips (Bette Davis) la véd dòp daśdòt an la sò śmèla Edith (Bette Davis) e la la ciàma a tōr quèl in dla sò vila. Chi lē, a 'l cuntràri dla védva, l'è in buléta sparàda e la fà fadìga a pagàr 'l afìt. Al dū surèli i dascóran ad Frank che na vòlta 'l éra ligâ a l’Edith ma pò la Maggie la gh 'l à purtâ via e custrét a spuśàr-la cuntànd-ag ch'la gh'iva 'd avér un fiōl sèg. Ma 'l sò autìsta George (George Chandler), méntar 'l è drē a purtàr-la a cà, al cònta pò a l’Edith che cal fat lè a n éra briśa véra, ch'la s éra invintàda incòsa e ch'a n è gnanc véra ch'l'à pardû al putèṅ a sèt méś. Par la puvràsa qvést chè 'l è tròp anc parchè l'è armàśa puta arcundànd sèmp'r al sò amōr da śuvnòta méntar cl'atra la gh'iva anc 'n amànt, Tony Collins (Peter Lawford), ch'la mantgnìva c'n i bèsi ad sò marè.

Dòp avér-la invitàda a cà sua e avér sintî c'n al sò uréci la véra da lē, l’Edith la gh spara 'n cōlp in cô e pò la tōś al sò pòst, faghénd crédar ch'al cadàvar dla surèla al sia invéci 'l suo, frut 'd un suicìdi. A n saénd minga imitàr bèṅ la sò firma, l’Edith la decìd ad prupòśit ad bruśàr-as na man druànd un stisarōl p'r al fōg. Ma quàl lè 'l è gnint parchè la dóna la gh'à da rispónd'r a 'l dmandi dal sergìnt ad pulisìa Jim Hobbson (Karl Malden), 'n óm ch'l éra inamurâ pròpria 'd lē prima ch'la faghìs finta 'd ès'r-as cupàda.

Un dè Tony al s fà viṿ sèg e al n gh mét minga tròp a capìr ch'a gh'è quèl ch'a traśa parchè l’Edith la n pōl minga avér i arcòrd dla sò śmèla. Dòp avér-ag tirâ via la mascra, 'l óm al taca a ricatàr-la parchè al vōl dimóndi bèsi par taśēr.

Culegamènt estéran