Chi è sepolto in quella casa?

Da Wikipedia.

C'l artìcul chè 'l è scrit in Miranduléś Emiliàn

House
Chi è sepolto in quella casa?

William Katt in na figùra dal film
Chi gh'è saplî in cla cà là?
1986
Regìa: Steve Miner
Scritōr: Fred Dekker • Ethan Wiley
Atōr: William KattGeorge WendtKay Lenz
Richard MollMary StavinMichael Ensign
Susan FrenchAlan AutrySteve Susskind
Müsica: Harry Manfredini
Léngua: Ingléś
Dürä dal film: 93 minüt
Nasiōṅ: Stat Unî


«
Ninsòṅ a n gh'éra più turnâ, 'd in alóra... L'è incóra viva e la v aspèta.»
(Tagline dal film)


Chi è sepolto in quella casa? (Chi gh'è saplî in cla cà là?) l'è na cumèdia ad scarésa americàna dal 1986 ad Steve Miner. La gh'à abû tri séguit ch'in Itàglia i aṅ ciapâ anc al nóm dla “” par far inténdar ch'i fùsan ligâ a 'l film La casa ad Sam Raimi: House II: The Second Story (La casa di Helen o La casa 6) in dal 1987, The Horror Show (La casa 7) dal 1989 e House IV (House IV - Presenze impalpabili o anc Chi ha ucciso Roger?) dal 1992.

Cal film chè 'l è stâ bòṅ ad far sù da piò ad vint-a-dū migliòṅ ad dòlar, esénd-an custâ sōl tri.

Sunt

Roger Cobb (William Katt) al fà 'l scritōr dòp èsar turnâ da 'l Vietnam e al s è stablî a cà 'd sò sîna Elizabeth (Susan French) ch'la s è tòlta la vita da pôc impicànd-as. 'L óm al s è divìś da sò mujér e al gh'à 'n fiōl ch'l è sparî sénsa dir gnint. Al sò editōr al gh dà 'l incàrag ad scrìv'r un rumànś ad guèra anc s'i sò sustenidōr i vrév'n invéci 'n àtar lìbar ad scarésa cuma qvéi ch'al fava prima.

Ma in dla cà i tàc'n a sucédar di fat strâṅ e lò al i cònta a 'n śò vśèṅ ad cà ch'al n s fà mai i cas suo, Harold (George Wendt). Inóltar al gh'à di arbgàt in dua al véd sèmp'r al sò cumpàgn in d'l eśèrcit mòrt in batàja, Big Ben (Richard Moll). Na nòt da 'n tanabùś a salta fóra 'n móstar cun la vóś da dóna ch'al próa a cupàr-al.

Culegamènt estéran