Buffalo '66
C'l artìcul chè 'l è scrit in Miranduléś |
Buffalo '66 | ||
Buffalo '66 | ||
Gallo, la Huston e la Ricci in na figùra dal film | ||
id. 1998 | ||
---|---|---|
Regìa: Vincent Gallo | ||
Scritōr: Vincent Gallo • Alison Bagnall | ||
Atōr: Vincent Gallo • Jan-Michael Vincent Christina Ricci • Mickey Rourke • Anjelica Huston Ben Gazzara • Rosanna Arquette • Kevin Pollak | ||
Müsica: Vincent Gallo • Yes • King Crimson | ||
Léngua: Ingléś | ||
Dürä dal film: 110 minüt | ||
Nasiōṅ: Stat Unî |
Buffalo '66 (id.) 'l è film dramàtic americàṅ dal 1998 scrit, dirèt, recitâ e muśicâ par Vincent Gallo.
'L à purtâ a cà dū migliòṅ e quàt'r ad dòlar dòp ès'r-an custâ òṅ e mèś.
Sunt
Billy Brown (Vincent Gallo) 'l è 'n ragàs nevròtic ad Buffalo ch'l è péna vgnû fóra da parśòṅ dòp sinc an p'r un crìmin ch'al n iva minga fat ma ch'l è stâ custrét a cunfesàr parchè al n éra minga bòṅ ad pagàr un dèbit ad śōg fat c'n un laśaròṅ (Mickey Rourke), na scumésa andàda mâł. Méntar 'l éra dènt'r al n à mai dit gnint a i suo, al s fava jutàr p'r al sò amìg Goon (Kevin Corrigan) a mandar dal létri in dua a parìva che lò al fus in dal fèsti a divertìr-as, ch'al fus spuśâ cun na dóna ad nóm Wendy Balsam e ch'al gh'is anc un bèl lavōr p'r al guèr'n americàṅ.
Adès Billy al pésca sōl la vindéta cóntar 'l èx śugadōr ch'al 'l à ruinâ, Scott Woods (Bob Wahl). Prima però al custrìnś na ragàsa, la Layla (Christina Ricci), a far finta 'd èsar sò mujér parchè al vōl andàr a catàr a i sò genitōr, la Jan (Anjelica Huston) e Jimmy (Ben Gazzara).