Baden-Württemberg

Da Wikipedia.
C'l artìcul chè 'l è scrit in Miranduléś Emiliàn
Al stéma dal Baden-Württemberg
Al Baden-Württemberg in rós

Al Baden-Württemberg (Baade-Wiirdebäärg in Alemàn) l'è na regiòṅ dla Germâgna, la tèrsa più granda dal paéś anc par l'ecunumìa, ch'la s cata in dal sud-ovest dal stat. La sò capitàla l'è Stucàrda cun Mannheim, Karlsruhe e Fribûrg atri sità impurtànti. La cunfìna cun la Śvisra a sud, la Frància a òvest e al regiòṅ tedéschi dla Renàgna Palatinâ (òvest), Bavéra (est) e Àssia (nòrd).

Al stat al nas in dal 1952 dòp un referendum ch'l à mis insém i stat stòric dal Baden cun qvél dal Württemberg. Prima i gh 'n éran tri (Württemberg-Baden, Württemberg-Hohenzollern e Baden), sóta 'l cuntròl di Stat Unî e dla Frància a séguit dla fiṅ dla secónda guèra mundiàla. Al gh'à 25 sircundàri e nóṿ sità fóra sircundàri.

In tut la mùcia sù da piò ad déś migliòṅ 'd abitànt e na superfìsi ad 35.750 km².

Al presidènt dal stat 'l è Winfried Kretschmann di Vérd.

Persunàǵ famóś ligâ a 'l Baden-Württemberg i èṅ Albert Einstein, Carl Benz, Georg Wilhelm Friedrich Hegel, Johannes Kepler e Joschka Fischer.

Culegamènt estéran