Bòṅ Cavdàn
Da Wikipedia.
Artéccol in dialètt mudnés 
Na vòlta in dal nòstri bandi, p'r al prim dè d'l an i putèṅ masć i s alvàvan ad bón óra e i 'ndàvan in dal cà dla gènt a dar al bòṅ Cavdàn a 'l famìji. Al fémni invéci i stàvan a cà parchè in alóra a s dava a mént a la credénsa ch'la dgiva che védar na dóna par prima al prim dè ad Śnar 'l arév purtâ mal.
In cambi di augùr, al famìji i dàvan na bòna maṅ a i masćèṅ che acsè i psìvan muciàr sù dimóndi bèsi.
Quésta chè 'd sóta 'l è la fraś ch'a s dgiva par dar al bòṅ an, cun la tradusiòṅ in Itagliàn:
«
Sono venuto ad augurare un buon Capodanno, che viviate cent'anni, cent'anni e cento giorni, mi spetta una mancia, non pretendo né oro né argento, sarò contento di quello che mi darete»
(IT)(Al bòṅ Cavdàn)
«
A sòṅ gnû dar al bòṅ Cavdàn, ch'a scampàdi sènt an, sènt an e sènt-a dè, la bòna maṅ la vèṅ a mè, a n preténd né òr né argènt, quél ch'a m dâ, mè a sòṅ cuntènt»
(MUD)
