Assassini nati - Natural Born Killers
|
C'l artìcul chè 'l è scrit in
Miranduléś |
 Natural Born Killers
| ||
| Assassini nati - Natural Born Killers | ||
 Woody Harrelson e la Lewis in na figùra dal film | ||
| Sasèṅ nâ patintâ 1994 | ||
|---|---|---|
| Regìa: Oliver Stone | ||
| Scritōr: Quentin Tarantino • Oliver Stone David Veloz • Richard Rutowski | ||
| Atōr: Woody Harrelson • Juliette Lewis • Ed White Robert Downey Jr. • Tommy Lee Jones • Dale Dye Tom Sizemore • Jared Harris • Rodney Dangerfield | ||
| Müsica: Leonard Cohen • Trent Reznor | ||
| Léngua: Ingléś • Giapunéś • Navajo • Francéś | ||
| Dürä dal film: 119 minüt | ||
| Nasiōṅ: Stat Unî | ||
Assassini nati - Natural Born Killers (Sasèṅ nâ patintâ) l'è na cumèdia négra 'd asiòṅ dal 1994 'd Oliver Stone, vinsdidōr dal „Lèòṅ 'd Argìnt“ a 'l Fèstival ad Venèsia, trata da 'n sugèt ad Quentin Tarantino afràt ad nóṿ. L'è stada giràda in biànc e nég'r e a culōr.
In dla culòna sunóra dal film i s càtan di pès dgl'L7 (Shitlist), dla Patti Smith (Rock 'n' Roll Nigger), ad Bob Dylan (You Belong to Me), di Nine Inch Nails (Burn e A Warm Place), ad Peter Gabriel (Taboo) e àt'r incóra.
Al film 'l à muciâ sù dimóndi, da piò ad sinquànta migliòṅ ad dòlar, esénd-an custâ trénta-quàtar.
Sunt
Mickey Knox (Woody Harrelson) e la sò muróśa Mallory (Juliette Lewis) i èṅ dū śōvan ch'i gh càtan gust a masàr la gint acsè, tant par far-al. Par scapàr via insém chi lōr i aṅ cupâ sénsa scrùpui i genitōr ad lē, prima Ed (Rodney Dangerfield), ch'al la viulentàva anc, e pò sò màdar (Edie McClurg).
I giurnài e al televiśiòṅ i dascóran sèmp'r ad lōr, specialmènt Wayne Gale (Robert Downey Jr.) ch'al gh'à 'n prugràma 'd sucès ciamâ “American Maniacs”. Un dè però i dū sasèṅ i vènan farmâ da 'l detective Jack Scagnetti (Tom Sizemore) e i finìs'n in parśòṅ, in dua a gh cmanda Dwight McClusky (Tommy Lee Jones), ma srâ là dènt'r i gh armàgnan pôc.