Angoulême

Da Wikipedia.
C'l artìcul chè 'l è scrit in Carpśàn Emiliàn
Al stéma 'dla sitê
Al Dipartimèint 'dla Charente ch' al gh' a per capitèl Angoulême
Na piantèina 'dla sitê 'dal 1914
La catedrèla 'd S. Péder

Angoulême 'l è 'n cumùn dal Sud-Òvest 'dla Frància, capitêl 'dal dipartimèint 'dla Charente, in dla regiòun Poitou-Charentes. I só abitànt i s ciàmen Angoumoisins.

Custruìda in sìm' a 'n prumuntòri, la s fàcia in sìm' ai dū fiùm 'dla Charente e 'dla Touvre ch' i gh' pàsen 'd sòta. La sitê la n' gh' à brìśa 50.000 abitànt, mo cun al conglomerê ch' al gh' è tachê, la 'rìva ai 110.000 abitànt.

Al sìndègh 'l è Philippe Lavaud, dal partî sucialìsta, in carga dal 2008.

La só storia

La sitê l' éra cgnusùda in dl' antichitê cuma Iculisma.

Al re Clovì al la tulìva vìa ai Viśigôt in dal 507 mo però in dal IX sèc. la gnìva tòlta dai Normàṅ. In dal 1204 al re 'd Inghiltèra Śvan sèinsa tèra al firma na chèrta 'd cuncesiòun per la creasiòun 'dal cumùn 'd Angoulême.

Angoulême la patì dimòndi in dal tèimp 'dal Guèri 'd religiòun, sovertùt dop che 'l amiràli protestànt Coligny al tulìva la sitè in dal 1568. La cuntéa 'dl Angoumois, dintór'n a Angoulême, l' éra 'd cal ram 'dla famìja Valois, ciamê per quèst di Valois-Angoulême, d' indû a deśgnìva anc' al Fransèsc I ed Francia.


«
Angoulême est une vieille ville, bâtie au sommet d'une roche en pain de sucre qui domine les prairies où se roule la Charente. Ce rocher tient vers le Périgord à une longue colline qu'il termine brusquement sur la route de Paris à Bordeaux, en formant une sorte de promontoire dessiné par trois pittoresques vallées. L'importance qu'avait cette ville au temps des guerres religieuses est attestée par ses remparts, par ses portes et par les restes d'une forteresse assise sur le piton du rocher. Sa situation en faisait jadis un point stratégique également précieux aux catholiques et aux calvinistes, mais sa force d'autrefois constitue sa faiblesse d'aujourd'hui; car en l'empêchant de s'étaler sur la Charente, ses remparts et la pente trop rapide du rocher l'ont condamnée a la plus funeste immobilité. Vers le temps où cette histoire s'y passa, le gouvernement essayait de pousser la ville vers le Périgord en bâtissant le long de la colline le palais de la préfecture, une école de marine, des établissements militaires, en préparant des routes. Mais le commerce avait pris le devans ailleurs. Depuis long-temps le bourg de l'Houmeau s'était agrandi comme une couche de champignons aux pieds du rocher, sur les bords de la rivière, le long de laquelle passe la grande route de Paris à Bordeaux. Personne n'ignore la célébrité des papeteries d'Angoulême, qui, depuis trois siècles s'étaient forcément établies sur la Charente et sur ses affluens où elles trouvèrent des chutes d'eau. L'État avait fondé à Rouelle sa plus considérable fonderie de canons pour la marine. Le roulage, la poste, les auberges, le charonnage, les entreprises de voitures publiques, toutes les industries qui vivent par la route et par la rivière, se groupèrent au bas d'Angoulême pour éviter les difficultés que présentent ses abords.»
(FR)(In dai Illusions perdues quand Balzac al descrîṿ la sitè in dal 1837)
«
Angoulême l' è na vècia sitè, custruìda in sìma a 'n prumuntòri cuma 'n pàn 'd sùcher, ch' la guèrda i prê in dû a gira la Charente. Cal màs chè al prìla vers al Périgord in na lunga culèina ch' la finìs bruscamèint in sìma a la strèda da Parì a Bordó, dvintènd un prumuntòri disgnê da trī valèdi pitorèschi. L'importànsa 'd cla sitè chè in dal tèimp dal guèri 'd religiòun l' è testimugnèda dai só mùr, dal só porti, e dai rest 'd na furtèsa śachèda in sìm' a 'l sprôc edla ròcia. La só puśisiòun la in ìva già fat un punt stratègic presiōś sìa p'r i católic che p'r i calvinìsta, ma la só fòrsa 'd na vòlta l' è dvintèda la só deblèsa 'd incō; perchè i só mùr e la pendèinsa tròp drìta 'dla só préda i gh' impedìsen ed spianèr-es ins a la Charente e i la cundànen a la piò sfurtunèda imubilitè. Vers al tèimp quand a sucéd cla stòria chè, al guvèren al pruvèva a cucèr la sitè vers al Périgord tirènd sù 'd lung a la culèina al palàs ed la prefetûra, na scōla marinèra, dal custrusiòun militèri e anca dal strèdi. Mo 'l cumérsi 'l ìva già tolt n' ètra strèda. Da dimòndi tèimp al quartēr ed 'l Houmeau al s éra ingrandî cuma un spròc ed fùnś sciampignóṅ ai pē 'dal prumuntòri, ins ai rîv dal fiùm, ed lung al quêl a pàsa la grand' estrèda da Parì a Bordó. Tùt i cgnùsen el famóśi cartéri 'd Angoulême, che da trī sècul egl' în stèdi custruìdi per forsa chè 'd fianc a la Charente e ai só afluèint in dû i ìven catê dal caschèdi 'd aqua. Al Stêt 'l ìva custruî a Rouelle la só piò gròsa funderìa 'd canòun per la marèina. La sirculasiòun, la pòsta, i albèreg, i riparadōr, el dìti 'd traspòrt publìc, tuti el fàbrichi ch' i vìven in del strèdi e in di fiòm, i s éren grupèdi sòta 'd Angoulême, per evitèr el dificultè di só fiànc rìpid. »
(MUD)


Persunàǵ famóś lighê a Angoulême


I só mùr (monumèint estòric ed Francia)

Ligàm a fōra