Analisi finale
|
C'l artìcul chè 'l è scrit in
Miranduléś |
 Final Analysis
| ||
| Analisi finale | ||
 L'Uma Thurman in na figùra dal film | ||
| Anàliśi finàł 1992 | ||
|---|---|---|
| Regìa: Phil Joanou | ||
| Scritōr: Robert Berger • Wesley Strick | ||
| Atōr: Richard Gere • Kim Basinger • Keith David Uma Thurman • Tony Genaro • Paul Guilfoyle Eric Roberts • Shirley Prestia • Robert Harper George Murdock • Rita Zohar • Corey Fischer | ||
| Müsica: George Fenton | ||
| Léngua: Ingléś | ||
| Dürä dal film: 124 minüt | ||
| Nasiōṅ: Stat Unî | ||
Analisi finale (Anàliśi finàł) 'l è 'n thriller dramàtic dal 1992 ad Phil Joanou candidâ a tri Razzie Awards.
'L è custâ trénta-tri migliòṅ ad dòlar e al 'n à muciâ sù vint-i-òt e mèś.
Sunt
Al dutōr Isaac Barr (Richard Gere) al fà 'l psichiàtra a San Francisco e adès al gh'à in cura la śōvna Diana Baylor (Uma Thurman) ch'la vōl savēr parchè la s insunìa sèmpar di fiōr a la nòt. Durànt al tratamènt analìtic al decìd ad tiràr dènt'r anc sò surèla Heather (Kim Basinger) p'r andàr-'g a fónd e par cgnósar méj di fat dal pasâ. A sucéd però che Isaac 'l armàgn insaplâ in dla tlaréda dla più granda dal surèli e al gh finìs a lèt anc se chi lē l'è bèla spuśàda cun Jimmy Evans (Eric Roberts), un delinquènt ch'al gh astà sèmp'r adòs.
Un dè l’Heather, dòp avér alvâ 'l gòmat, la cópa sò marè e pò la n s arcòrda gnint par di buś ad memòria. Cun 'l ajùt 'd Isaac, ch'al testimògna sèg, la scampa la parśòṅ ma la gh'à da pasàr un perìud in un sèntar par malâ in dla mènt. Però a gh'è quèl ch'a traśa e al detective Huggins (Keith David) al próa a dasquaciàr la véra.