7, Hyden Park - La casa maledetta

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg 7, Hyden Park - La casa maledetta
7 hyden park.png
Na figùra dal film
7, Hyden Park - La cà maladìda
1985
Regia: Alberto De Martino
Scritùr: Vincenzo Mannino • Alberto De Martino
Atùr: Christina NagyDavid WarbeckCarroll Blumenberg
Rossano BrazziAndrea BosicLoris LoddiAdriana Giuffrè
Müsica: Francesco De Masi
Dürä dal film: 85 minüt
Lengua: Itagliàn
Nasiòun/Paèiş: {{{Nasiòun/Paèiş}}}


7, Hyden Park - La casa maledetta (7, Hyden Park - La cà maladìda) 'l è 'n film ad scarésa dal 1985 'd Alberto De Martino ch'al s firma a 'l ingléśa, Martin Herbert. 'L è stâ prudót da qvéi dla Fulvia International Film.

Sunt

Quànd l'éra pìcula a la Joanna (Christina Nagy) a gh'è sucès un quèl spavintóś. 'N óm vistî da prēt al l'à viulentàda e lē, tintànd ad scapàr via, l'è strabucàda śò da 'l scali insém a la sò bàmbula, armanénd acsè uféśa. A n psénd più giràr c'n al sò gambi, l'è stada custréta a vìvar da cal mumènt lè in sna scrana a rudèli. L'ùnica furtùna ch'la gh'à l'è qvéla 'd èsar pîna ad bèsi e 'd avér-ag na vila tuta sua.

Par tiràr-as un pò sù la decìd ad far dal spòrt e c'n al tèmp la s liga dimóndi a 'l sò alenadōr Graig (David Warbeck) ch'al gh śibìs ad spuśàr-la. La sò amìga e jutànta Ruth (Carroll Blumenberg) la n è minga 'd acòrd e la gh al diś franca ma la Joanna la finìs cun al dir ad sè. Anc al dutōr Sernich (Rossano Brazzi) al gh'à dal preucupasiòṅ parchè al gh'à 'l timōr che lē, turnàd a 'ndàr a lèt cun 'n óm, la pòsa arcurdàr qvél ch'a gh'è sucès da pìcula, un quèl ch'al prév andàr minga tant bèṅ p'r al sò cōr débul.

Dòp al matrimòni la sò vita la dvènta 'n Inféran. La taca a védar di prevòstar dapartùt ch'i gh tìn'n adrē e ch'i gh faṅ védar un putòć tut insangvinâ ch'al gh diś ad cuntìnuv na filatéla da scarésa: «Na mòrt e la campàna e la gint la n s vōl mia bèṅ, la campàna la sòna fòrt e la n sòna minga a la tò mòrt». La pòvra dóna la fà fadigà a mōv'r-as, in sla scrana a rudèli, e la gh'à da scultàr incòsa. La batarìa ad cōr par pôc la n la fà minga carpàr par 'n infàrt.

Persuàśa a dunàr i sò bèsi a la Céśa, la n gh la cava briśa parchè tut i prēt ch'la ciàma pò i sparìsan.

Culegamènt estéran