Zack & Miri - Amore a... primo sesso

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Zack and Miri Make a Porno
Zack & Miri - Amore a... primo sesso
Zack e Miri - Amore a primo sesso.png
L'Elizabeth Banks in na figùra dal film
Zack & la Miri - Amōr a... 'l prim sès
2008
Regia: Kevin Smith
Scritùr: Kevin Smith
Atùr: Elizabeth BanksSeth RogenKenny Hotz
Craig RobinsonJennifer Schwalbach Smith
Justin LongBrandon RouthJeff Anderson
Jason MewesTraci LordsKatie Morgan
Müsica: James L. Venable
Lengua: Ingléś
Dürä dal film: 101 minüt
Nasiòṅ: Stat Unî


«
Csa farév-at tè par tiràr-at fóra da i dèbit?»
(Tagline dal film)


Zack & Miri - Amore a... primo sesso (Zack & la Miri - Amōr a... 'l prim sès) l'è na cumèdia vulgaròta americàna dal 2008 scrita e dirèta par Kevin Smith.

Custâ vint-quàtar migliòṅ ad dòlar, al film al 'n à pò fat sù dagnóra quarànta-tri.

Sunt

Zack Brown (Seth Rogen) e la Miri Linky (Elizabeth Banks) i èṅ dū amìg da i tèmp dla scóla, buletàri e śbucâ, ch'i spartìsan 'n apartamènt insém a Monroeville in Pennsylvania, darènt a la sità 'd Pittsburgh. Zack al lavóra insém a 'l culéga Delaney (Craig Robinson) in dal bar dal sgnōr Surya (Gerry Bednob) ma al n è bòṅ gnanc listés ad muciàr sù i bèsi par pagàr tut al buléti tant ch'i gh tìran via prima l'àqua e pò la luś.

A cal punt lè al ragàs al cunsìlia a la Miri ad tacàr a bàtar par ciapàr quèl ma pò, pinsànd a 'n sò èx cumpàgn ad scóla ch'l à fat i bèsi girànd soquànt film pòran gay, Brandon (Justin Long), Zack al s mét in tèsta l'idéa ad far un filmèṅ malnét anc lò insém a la Miri da véndar pò a di sò amìg. Cun 'l ajùt ad Delaney a la prudusiòṅ, Deacon (Jeff Anderson) a la regìa e cun gl'atōr Lester (Jason Mewes), la Bubbles (Traci Lords), Barry (Ricky Mabe) e la Stacey (Katie Morgan) i dū i partìsan par far na parudìa spurcaciòna 'd Guerre Stellari.

Culegamènt estéran