Young People Fucking
|
C'l artìcul chè 'l è scrit in
Miranduléś |
 Young People Fucking
| ||
| Young People Fucking | ||
 La Lisinska, Oldring e Esmer in na figùra dal film | ||
| Śōvan ch'i ciùlan 2007 | ||
|---|---|---|
| Regìa: Martin Gero | ||
| Scritōr: Martin Gero • Aaron Abrams | ||
| Atōr: Aaron Abrams • Carly Pope • Josh Dean Kristin Booth • Sonja Bennett • Josh Cooke Callum Blue • Ennis Esmer • Diora Baird Natalie Lisinska • Peter Oldring | ||
| Müsica: Todor Kobakov | ||
| Léngua: Ingléś | ||
| Dürä dal film: 87 minüt | ||
| Nasiōṅ: Cànada | ||
Young People Fucking (Śōvan ch'i ciùlan), cgnusùda anc cuma Y.P.F., l'è na cumèdia eròtica canadéśa dal 2007 ad Martin Gero ch'al l'à scrita insém a Aaron Abrams, òṅ di atōr.
L'è stada preśentàda a 'l Fèstival Internasiunàł dal Cìnema ad Turònt dal 2007.
Sunt
Sinc còpi canadéśi durànt i mumènt dla gusàda: la preparasiòṅ, i priliminàr, al sès, la pàusa 'd mèś, al gudiōl e gl'ùltim fōg.
Matt (Aaron Abrams) e la Kris (Carly Pope) i èṅ amìg ma i gh'aṅ vója 'd far sès insém anc parchè i èṅ put. P'r èsar più purcùs i tàc'n a bévar pò lē la 'l ciàp' in bóca ma a lò a gh dà fastìdi che lē la 'l guàrd' in ghigna parchè l'è na sò amìga e lò al n s cata minga bèṅ a incruśàr i sò òć méntar la gh dà dèntar.
Andrew (Josh Dean) e l’Abby (Kristin Booth) i èṅ spuśâ ma lò al s fà avànti sōl na quàlc vòlta a lèt e pò gnanc tant. La ragàsa l'è stufa ad tacàr sèmpar lē e la pénsa a chi furtunâ di sò amìg ch'i ciùlan tut al siri.
Eric (Josh Cooke) e la Mia (Sonja Bennett) i èṅ di èx. Dòp na sira pasàda a séna insém lē la 'l ciàma sù a bévar quèl, adès 'l à anc arfàt ad nóṿ 'l apartamènt dòp la prumusiòṅ. La Mia la vrév sōl divertìr-as, lò al spéra invéci ad turnàr cuma na vòlta anc parchè al và mat p'r al sò téti.
Ken (Callum Blue) e la Jamie (Diora Baird) i èṅ dū a 'l prim apuntamènt, lò 'l è 'n squasamarléti ad trént'un an, lē na puta 'd vint-a-tri an dimóndi diśurdnàda in cà e c'n al frigo vōd.
Dave (Peter Oldring) e Gord (Ennis Esmer) i èṅ di amìg cumpàgn ad cambra par spartìr-'s al spéśi. Na sira a riva la muróśa 'd Gord, l’Inez (Natalie Lisinska), e lò al śibìs a Dave ad śuntàr-'s a lèt. Dave al gh astà, pinsànd a 'n quèl a tri, mo invéci Gord al s mét a sēdar su na pultròna parchè al vōl sōl guardàr-i gusàr e far da par lò. Dave 'l è imbarasâ ma la ragàsa la gh diś che lò al gh'è sèmpar piaśû, pò quànd al s cala 'l mudàndi a gh'è anc na surpréśa.