Yes Nurse! No Nurse!
|
C'l artìcul chè 'l è scrit in
Miranduléś |
 Ja zuster, nee zuster
| ||
| Yes Nurse! No Nurse! | ||
 La Reidinga e Torenstra in na figùra dal film | ||
| Sè infarméra! Nò infarméra! 2002 | ||
|---|---|---|
| Regìa: Pieter Kramer | ||
| Scritōr: Harry Bannink • Frank Houtappels Pieter Kramer • Annie M.G. Schmidt | ||
| Atōr: Tjitske Reidinga • Waldemar Torenstra Loes Luca • Beppe Costa • Paul de Leeuw Paul Kooij • Lennart Vader • Edo Brunner | ||
| Müsica: Raymund van Santen | ||
| Léngua: Ulandéś | ||
| Dürä dal film: 100 minüt | ||
| Nasiōṅ: Ulànda | ||
Yes Nurse! No Nurse! (Sè infarméra! Nò infarméra!) l'è na cumèdia musical ulandéśa dal 2002 ad Pieter Kramer ch'la fà riferimènt a 'n vèć telefìlm di an Ssanta druànd dimóndi dal sò canti. In dal film la prutagunìsta, la Loes Luca, la dróa 'n asènt ad Groningen.
La pelìcula l'è stada preśentàda a 'l 53śum Fèstival ad Berlîṅ in du 'l regìsta 'l è stâ numinâ par vìnsar 'l “Ōrs 'd òr”.
Sunt
La Klivia (Loes Luca), infarméra dla Cróś Rósa, l'è na dóna bòna 'd cōr ch'la manda avànti 'n pensiunâ par gint dasfurtunàda druànd 'n edifìsi in afìt dal sgnōr Buurman Boordevol (Paul Kooij), un tisi minga tant gustóś ch'al viṿ lè tacâ e ch'al n cumpatìs briśa quànd i faṅ dal caśèṅ tant ch'al la denùnsia sèmpar sprand acsè ad mandàr-la via. Chi lò, che na vòlta 'l éra 'l muróś 'd un paruchēr chéca ch'al gh'à 'n salòṅ ciamâ “Mimóśa” in dal stés viàł, Wouter (Paul de Leeuw), adès al viṿ da par lò c'n un gat e cun di bèsi lugâ in dla casafòrt.
I stàn'n invéci da la Klivia na ragàsa ciamàda Jet (Tjitske Reidinga), 'n inśgnēr (Beppe Costa) ch'al vrév invintàr na madśìna par réndar la gint più bòna, al ciciòṅ Bertus (Edo Brunner) e Bobby (Lennart Vader) ch'al s litga sèmpar sèg quànd l'è óra 'd lavàr śò.
Un dè, durànt na giurnàda 'd piōva, la Jet la cgnós un ragàs ciamâ Gerrit (Waldemar Torenstra) ch'al la cumpàgna prima a cà e pò al decìd 'd armàgn'r a durmìr lè esénd ch'i dū i s piàśan dimóndi. Purtròp chi lò, ch'al gh'à la pasiòṅ p'r i clómb, 'l è anc un làdar e 'l à bèla aduciâ 'l arlói 'd òr ad Buurman.