Y tu mamá también
|
C'l artìcul chè 'l è scrit in
Miranduléś |
 Y tu mamá también
| ||
 La Maribel Verdú in na figùra dal film | ||
| E anc tò màdar 2001 | ||
|---|---|---|
| Regìa: Alfonso Cuarón | ||
| Scritōr: Carlos Cuarón • Alfonso Cuarón | ||
| Atōr: Diego Luna • Maribel Verdú • María Aura Verónica Langer • Marta Aura • Diana Bracho Gael García Bernal • Juan Carlos Remolina | ||
| Müsica: Liza Richardson • Annette Fradera | ||
| Léngua: Spagnōl | ||
| Dürä dal film: 105 minüt | ||
| Nasiōṅ: Mèsic | ||
Y tu mamá también (E anc tò màdar) 'l è 'n film dramàtic dal 2001 'd Alfonso Cuarón. 'L è stâ preśentâ a 'l 58śum Fèstival ad Venèsia in dua 'l à vins al prèmi par la senegiadùra mént'r i dū prutagunìsta Diego Luna e Gael García Bernal i aṅ purtâ a cà 'l prèmi cuma atōr rivelasiòṅ. 'L è stâ anc candidâ a 'l Prèmi Òscar par la senegiadùra uriginàla.
In dla culòna sunóra i s càtan di pès dla Natalie Imbruglia, ad Brian Eno, ad Frank Zappa, ad Flaco Jiménez e àt'r incóra. Custâ sinc migliòṅ ad dòlar, al 'n à pò purtâ a cà da piò ad trénta-tri.
Sunt
Durànt na fèsta a Sità dal Mèsic, Julio Zapata (Gael García Bernal) e Tenoch Iturbide (Diego Luna), dū ragasōi mesicàṅ amìg par la pèl ad darsèt an, i cgnósan la Luisa Cortés (Maribel Verdú), na śuvnòta spagnōla dimóndi bèla e più granda 'd lōr. Par far cōlp e inturtàr-'s-la i decìdan ad śibir-'g un viàś vèrs na spiàgia ciamàda "Bóca dal Cēl", un pòst che però a n eśìst gnanc.
A 'l inìsi la dóna la gh diś ad nò ma pò la decìd 'd ardàr sèg anc parchè 'l à savû che sò marè al gh'à mis i còran. Durànt al viàś la i fà dvintàr di óm ma pò a finìs incòsa e i tri i s divìdan p'r andàr tut par sò cònt. 'L an dòp Julio e Tenoch i s càt'n incóra in un bar. La Luisa la n gh'è briśa parchè in cal méntar l'è mòrta 'd càncar.