Wrestlemaniac
|
C'l artìcul chè 'l è scrit in
Miranduléś |
 El Mascarado Massacre
| ||
| Wrestlemaniac | ||
 Rey Misterio in na figùra dal film | ||
| Al manìag dla lòta 2006 | ||
|---|---|---|
| Regìa: Jesse Baget | ||
| Scritōr: Jesse Baget | ||
| Atōr: Rey Misterio • Adam Huss • Jeremy Radin Leyla Milani • Margaret Scarborough • Irwin Keyes | ||
| Müsica: Jim Lang | ||
| Léngua: Ingléś • Spagnōl | ||
| Dürä dal film: 75 minüt | ||
| Nasiōṅ: Stat Unî | ||
Wrestlemaniac (Al manìag dla lòta) 'l è 'n film ad scarésa americàṅ dal 2006 scrit e dirèt par Jesse Baget cun prutagunìsta al campiòṅ dal wrestling Rey Misterio.
Sunt
Al regìsta americàṅ Alfonse (Adam Huss), decìś a giràr un film pòr'n in Mèsic, al partìs c'n un furgunsèṅ cun gl'uperadōr Steve (Jeremy Radin) e Jimbo (Zack Bennett) e tri sòcli ciamàdi Dallas (Leyla Milani), Debbie (Margaret Scarborough) e Daisy (Catherine Wreford).
Pasàda la fruntéra, i ragàs i s pèrdan lung la via e i finìs'n in un pòst spardû ciamâ La Sangre de Dios, un paiśèṅ ch'a n gh viṿ piò ninsòṅ da dimóndi tèmp. Esénd ch'al furgunsèṅ in cal méntar 'l à anc ciucâ cóntar na préda e 'l fà fadìga a 'ndàr avànti, al grup al decìd ad farmàr-as lè par giràr. Cal ciciòṅ ad Steve, mesicàṅ nâ a Seattle, al cònta a Alfonse na legénda dal sò paéś, qvéla dal lutadōr El Mascarado (Rey Misterio), un wrestler sénsa pità ch'al cavàva via i òć a i sò aversàri. Quànd 'l è dvintâ mat 'l éra stâ purtâ pròpria in cal pòst chè.
Méntar i èṅ drē a giràr la prima séna, a la Daisy a gh vîṅ 'l urt dal gòmit dònca la scapa via dascàlsa in sotvésta par far-al fóra, in mèś a campàgna, ma pò la sparìs acsè cuma Jimbo. Quànd a s fà nòt chi àt'r i i vaṅ a pascàr méntar la Dallas la próa a giustàr al pulmèṅ. La Debbie la cata 'l cadàv'r ad Jimbo sénsa pèl in dla ghigna cuma s'un manìag al gh'is vlû cavàr-ag via la mascra.