Wonderland - Massacro a Hollywood

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Wonderland
Wonderland - Massacro a Hollywood
Wonderland - Massacro a Hollywood.png
La Paris Hilton e Val Kilmer in na figùra dal film
Wonderland - Masèl a Hollywood
2003
Regia: James Cox
Scritùr: James Cox • Captain Mauzner
Todd Samovitz • D. Loriston Scott
Atùr: Val KilmerKate BosworthLisa Kudrow
Josh LucasParis HiltonFaizon LoveFranky G
Carrie FisherDylan McDermottTed Levine
Müsica: Cliff Martinez
Lengua: Ingléś
Dürä dal film: 104 minüt
Nasiòṅ: Stat UnîCànada


«
Sès, dròga, masamènt. Bèṅvgnû a Los Angeles.»
(Tagline dal film)


Wonderland - Massacro a Hollywood (Wonderland - Masèl a Hollywood) 'l è 'n thriller dramàtic americàṅ e canadéś dal 2003 ad James Cox ch'al cònta i fat di masamènt ad Wonderland Avenue dal 1981.

Custâ sinc migliòṅ e mèś ad dòlar, al film al 'n à fat pò sù dū e mèś.

Sunt

La Dawn Schiller (Kate Bosworth) l'è la muróśa dal “rè dal pòran”, 'l atōr John Holmes (Val Kilmer). Cumpàgn a lò la pénsa sōl a gusàr e a far-'s ad dròga. Un dè la sènt a la televiśiòṅ ch'in na vila a Wonderland Avenue, quartēr ad Los Angeles, a gh'è stâ 'n masèl cun quàtar parsòni cupàdi: Ron Launius (Josh Lucas), fanàtig dal pistòli antìghi, la Joy Miller (Janeane Garofalo), Billy DeVerell (Tim Blake Nelson) e la Barbara Richardson (Natasha Gregson Wagner). In cal pòst lè la Dawn la gh'éra stada sōl pôc tèmp prima insém a Holmes.

Al caś al finìs in dal maṅ di detective dla pulisìa Sam Nico (Ted Levine) e Louis Cruz (Franky G) ch'insém a 'l ufisiàł Billy Ward (M.C. Gainey) i próan a 'ndàr-'g a fónd, sinténd qvél ch'al gh diś David Lind (Dylan McDermott), muróś 'd una dal vitmi.

Holmes al s éra fat amìg dal boss malavitóś Eddie Nash (Eric Bogosian) ch'al 'l iva cgnusû par via di sò film. Ron 'l iva dâ dgl'armi rubàdi a John par véndar-li a Eddie ma chi lò, faghénd al fùrub, 'l iva decìś invéci 'd tgnir-'s-li lò dgénd ch'a n è briśa fàcil dar-li via parchè i éran di pès ch'i scutàvan. John al strulga 'n piàṅ p'r andàr a rubàr a cà 'd Nash dand na piantìna dla vila a Ron, esénd ch'al gh'è stâ òspit un muć ad vòlti. Inólt'r al fà in manéra 'd lasàr 'l us dla cuśìna avèrt.

La matìna dòp Ron Launius, insém a Lind e Deverell, i vaṅ a rubàr in cà 'd Nash purtànd-ag via un migliòṅ e dū ad dòlar fra bèsi, armi, dròga e presióś, frénd in dal méntar la guàrdia dal còrp Greg Diles (Faizon Love).

Al grup al pòrta incòsa in dla sò cà a Wonderland lasànd na part anc a la stéla dal pòran p'r al sò ajùt ma Eddie Nash al capìs subìt ch'in dal cōlp a gh'è insaplâ John Holmes.

Culegamènt estéran