White Noise - Non ascoltate
|
C'l artìcul chè 'l è scrit in
Miranduléś |
 White Noise | ||
| White Noise - Non ascoltate | ||
 La Deborah Kara Unger in na figùra dal film | ||
| Armōr biànc - Minga scultàr 2005 | ||
|---|---|---|
| Regìa: Geoffrey Sax | ||
| Scritōr: Niall Johnson | ||
| Atōr: Michael Keaton • Deborah Kara Unger Chandra West • Ian McNeice • Sarah Strange | ||
| Müsica: Claude Foisy | ||
| Léngua: Ingléś | ||
| Dürä dal film: 101 minüt | ||
| Nasiōṅ: Stat Unî • Régn Unî • Cànada | ||
White Noise - Non ascoltate (Armōr biànc - Minga scultàr) 'l è 'n thriller dramàtic dal 2005 ad Geoffrey Sax. 'L Armōr biànc dal tìtul al fà riferimènt a 'l fenòmen dal vóś letrònichi (EVP) ch'al pòrta avànti la teurìa ch'a s pòsa scultàr al vóś di mòrt in dal mèś dal frequénsi dna ràddio o dna televiśiòṅ sintuniśàda mâł.
La pelìcula, giràda tuta a Vancouver, l'à fat sù da piò ad nuànt'òṅ migliòṅ ad dòlar a frònt 'd un cóst ad déś.
Sunt
[mudéfica la surzéia]La vita d'l architét Jonathan Rivers (Michael Keaton) la càmbia dimóndi quànd sò mujér Anna (Chandra West) la mōr in 'n incidènt in màchina méntar l'éra drē a cambiàr na guma. 'L óm, ch'l è armàś c'n un putèṅ pìcul da tiràr sù abû da n'atra dóna, al n gh la cava minga a catàr paś in fiṅ tant ch'un ciciòṅ ciamâ Raymond Price (Ian McNeice) al scàmbia dū paròli sèg. Chi lò al gh cònta ch'l à pasâ un brut mumènt anc lò parchè 'l à pardû sò fiōl ma ch'l à anc catâ la manéra 'd dascórar c'n i mòrt druànd 'l armōr biànc di televiśōr, quànd i schér'm i móstran dal frequénsi disturbàdi d'l efèt néṿ in du i s védan tut chi puntèṅ griś ch'i stùsan.
Anc s'la sensitìva Mirabelle Keegan (Keegan Connor Tracy) la 'l scunsìlia 'd davśinàr-'s a cal mónd lè, parchè in mèś a i spìrit a gh 'n è anc di catìṿ, Jonathan al mét in pē un studi 'd registrasiòṅ a cà sua e finalmènt a gh pâr ad sintìr sò mujér ch'la dmanda ajùt par dgl'atri parsòni. Che lōr i èṅ tuti dal sò bandi e 'l architét al fà a mènt che quànd i gh dascóran da 'l televiśōr i al fànan soquànt dè prima 'd murìr dabòṅ. Quànd anc Raymond al mōr sénsa mutìṿ, Jonathan al próa a savēr-an da piò andàr a lèś'r i sò regìst'r in du 'l iva nutâ tut qvéi ch'i gh'ìvan dmandâ ajùt. A salta fóra che tut i mòrt d'l armōr biànc i éran prima pasâ da lò. L'ultma dla lista, incóra in vita, l'è la sò amìga Sarah Tate (Deborah Kara Unger).