Vanni Corbellini
|
C'l artìcul chè 'l è scrit in
Miranduléś |
Vanni Corbellini (Turèṅ, 15 ad Favràr dal 1955) 'l è 'n atōr itagliàṅ ad cìnema, ad teàt'r e dla televiśiòṅ.
Biugrafìa
Nâ e carsû in Piemónt da di genitōr tuscàṅ, pàd'r inśgnēr e màdar pitōra, Corbellini al s davśìna a 'l mónd dl'art par caś faghénd al preśentatōr a teàtar p'r un spetàcul ad diśàbii a Turèṅ cun la cumpagnìa che pò la gh dmanda ad śuntàr-'s a lōr. In séguit al spatìna a Róma e al gira i sò dū prim film in dal 1983 par Silvio Soldini e par Gianni Amelio.
In dal 1987 al fà 'l fradèl dla Serena Grandi in dal śal ad Lamberto Bava Le foto di Gioia e al tōś part anc a 'l film Il ventre dell'architetto ad Peter Greenaway. P'r al regìsta galéś al gira anc Giochi nell'acqua 'l an dòp.
Par la televiśiòṅ 'l à girâ dimóndi fiction ad sucès cuma “La piovra”, “Carlo Magno”, “Incantesimo”, “Una donna per amico”, “Un posto al sole” e “I Cesaroni”.
I sò ùltim film a 'l cìnema al i à fat cun Carlo Verdone: L'amore è eterno finché dura in dal 2004 e Posti in piedi in paradiso in dal 2012.
Filmugrafìa
- 1983 - Paesaggio con figure, regìa ad Silvio Soldini
- 1983 - Colpire al cuore, regìa ad Gianni Amelio
- 1987 - Le foto di Gioia, regìa ad Lamberto Bava
- 1987 - Il ventre dell'architetto (The Belly of an Architect), regìa ad Peter Greenaway
- 1988 - Giochi nell'acqua (Drowning by Numbers), regìa ad Peter Greenaway
- 1990 - Modì, regìa ad Franco Brogi Taviani
- 1991 - Isimeria, regìa ad Nikos Kornilios
- 1994 - La fine dell'intervista, regìa ad Stefano Roncoroni
- 2004 - L'amore è eterno finché dura, regìa ad Carlo Verdone
- 2012 - Posti in piedi in paradiso, regìa ad Carlo Verdone