Vanessa Paradis

Da Wikipedia.
C'l artìcul chè 'l è scrit in Miranduléś Emiliàn
La Vanessa Paradis tòlta śò in dal 2016
La Vanessa in na fóto dal 2010
La Paradis a la 15śma serimògna di César


«
Joe le taxi, y va pas partout, y marche pas au soda, son saxo jaune connait toutes les rues par coeur, tous les p'tits bars, tous les coins noirs, et la Seine, et ses ponts qui brillent »
(FR)(Joe le taxi, 1987)
«
Joe al taxi, al n và minga dapartùt, al n màrcia briśa cun la sòda, al sò saxòfun śal al cgnós tut al vii da parcórar, tut i bar pìcui, tut i cantòṅ négar, e la Séna, e i sò pònt ch'i lùśan»
(MUD)


La Vanessa Chantal Paradis, cgnusùda méj cuma Vanessa Paradis (Saint-Maur-des-Fossés, 22 ad Dicémbar dal 1972), l'è na cantànta e atōra francéśa. In Itâglia la s è fata cgnósar in dal 1987 cantànd al braṅ Joe le taxi quùnd la gh'iva sōl quind'ś an.

Biugrafìa

Dvintàda granda, la Paradis l'à cuntinuâ a far di disc ma sōl i sìngui Marilyn & John e Be my baby i èṅ pò gnû fóra dal nòstri bandi.

Cuma atrìs la s arcòrda par la sò interpretasiòṅ da prutagunìsta in dal film La ragazza sul ponte (La baghéta in sal pònt, 1998) ad Patrice Leconte e prima incóra in dal film Noce Blanche (Nòsi biànchi, 1989) ad Jean-Claude Brisseau, in du la fà, a darsèt an, na studetésa inamuràda dal sò prufesōr ad filuśufìa (Bruno Cremer). In dal film i gh'èṅ dimóndi parti in du a ś véd di nûd ma la Vanessa la fà bèṅ la sò part vinsénd in dal 1990 al Prèmi César e al prèmi Romy Schneider.

Dal punt ad vista sentimentàl, la Paradis la gh'à abû dal stòri cun dū cantànt, al francéś Florent Pagny e 'l americàṅ Lenny Kravitz. Da 'l 1998 l'è la cumpàgna d'l atōr dal Kentucky Johnny Depp e la gh'à sèg dū fiói: Lily-Rose Melody (nada al 27 ad Maǵ dal 1999) e Jack John Christopher Depp III (nâ al 9 'd Avrìl dal 2002). Ma dòp quatórd'ś an insém, in dua i córan i n èṅ minga mancâ, i dū i s mòlan uficialmènt in dal 2012[1].

Vanessa l'è stada anc na mudèla par la maison Chanel.

Discugrafìa

Àlbum

  • M&J 1988
  • Variations sur le même t'aime 1990
  • Vanessa Paradis 1992
  • Vanessa Paradis Live 1994
  • Bliss 2000
  • Vanessa Paradis Au Zenith 2001
  • Divinidylle 2007
  • Divinidylle Tour 2008
  • Best of 2009

Sìngui

  • La magie des surprises parties 1985
  • Joe le Taxi 1987
  • Manolo Manolete 1987
  • Marilyn et John 1988
  • Maxou 1988
  • Coupe coupe 1989
  • Mosquito 1989
  • Tandem 1990
  • Dis lui toi que je t'aime 1990
  • L'amour en soi 1991
  • Be my baby 1992
  • Sunday Mondays 1993
  • Just as long as you are there 1993
  • Natural high 1993
  • Les cactus (live) 1994
  • Gotta have it (live) 1994
  • Commando 2000
  • Pourtant 2001
  • Que fait la vie? 2001
  • L'eau à la bouche (live) 2001
  • Walk on the wild side (live) 2001
  • Divine idylle 2007
  • Dès que j'te vois 2007
  • L'incendie 2008
  • Les piles (live) 2008
  • Joe le taxi (live) 2008
  • Il y a 2009

Film

Culegamènt estéran

Nòti