Val ad San Fernànd

Da Wikipedia.
C'l artìcul chè 'l è scrit in Miranduléś Emiliàn


La Val ad San Fernànd (San Fernando Valley in ingléś) l'è na val a sud dla Califòrgna darènt a la sità 'd Los Angeles, sèntar ch'la gh dipénd anc.

La Val ad San Fernànd

In dal 2004 i gh stàv'n un migliòṅ e òt 'd abitànt a 'l incìrca. Al sò sità più impurtànti, tuti 'd sōvar di sènt-mila cristiàṅ, i èṅ Glendale, North Hollywood, Van Nuys e Burbank, pò a gh'è anc al distrét ad Sherman Oaks.

Al sò clima 'l è séc e pîṅ ad Sōl. In dal 1985 a Canoga Park a s è tucâ i 47°C.

La sò ecunumìa la pōl cuntàr su dimóndi mèdia ch'i gh'aṅ la sēd chè cuma la CBS, la NBC-Universal, la Walt Disney Company c'n al sò canàł televiśìṿ ABC e la Warner Bros. Na vòlta l'andàva dimóndi fòrt anc l'indùstria dal pòran tant ch'la val l'éra anc batśàda cuma „Val ad San Purnànd“ o „Silicòṅ Valley“ (in riferimènt a la Silicon Valley ch'la s cata invéci in dla Val ad Santa Clara sèmp'r in dal Golden State).

In dla val a gh'è 'n asènt califurgnàṅ dimóndi pēś e dal ragasōli minga tant fini tant ch'in di Stat Unî i dìśan ch'al Valley girl i daśvìnan pròpria da chè.

Culegamènt estéran