Glendale (Califòrgna)

Da Wikipedia.
C'l artìcul chè 'l è scrit in Miranduléś Emiliàn
Al sò scûd


Glendale (a s lèś /ˈɡlɛndeɪl/ in ingléś) l'è na sità di Stat Unî ch'la fà sù duśènt-mila abitànt a 'l incìrca, la 23śma più impurtànta dla Califòrgna. La s cata in dla cuntèa 'd Los Angeles a 'l intéran dla Val ad San Fernànd, in dal sò cantòṅ a sud-èst, a trédas km a nòrd dal sènt'r ad Los Angeles. In sità i gh stànan dimóndi parsòni cun di urìgini dl'Armègna, la cumunità più granda dl'Amèrica.

La mapa dla sità
Vduda ad Glendale

In sità la Walt Disney Company e la Marvel Animation i gh'aṅ dimóndi ufìsi.

Tgnénd adrē a 'l censimènt dal 2010 la sò pupulasiòṅ la s divìd fra 'n 71,1% ad biànc, 'n 1,3% ad négar, un 0,3% ad natìṿ americàṅ, 'n 16,4% 'd aśiàtic e p'r al rèst atri rasi o rasi misći.

I sò rapreśentànt a livèl federàł i èn tut demucràtic: Adam Schiff (elèt in dal 28śum distrét cungresuàł dla Califòrgna), Anthony Portantino (rapreśentànt dal 25śum distrét dal senàt) e la Laura Friedman (ch'la riva da 'l 43śum distrét asembleàr).

Persunàǵ ligâ a Glendale

Culegamènt estéran