Vacanze in America

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Vacanze in America
Vacanze in America.png
La Fenech, Tognazzi e De Sica in na figùra dal film
Vacànsi in Amèrica
1984
Regia: Carlo Vanzina
Scritùr: Carlo Vanzina • Enrico Vanzina
Atùr: Christian De SicaClaudio Amendola
Jerry CalàAntonella InterlenghiEdwige Fenech
Fabio FerrariGianmarco TognazziPaolo Baroni
Richard La FicaGianfranco AgusFabio Camilli
Müsica: Manuel De Sica
Lengua: Itagliàn
Dürä dal film: 89 minüt
Nasiòṅ: Itàglia


«
P'r al fèsti tut prònt a partìr!»
(Tagline dal film)


Vacanze in America (Vacànsi in Amèrica) l'è na cumèdia dal 1984 ad Carlo Vanzina.

Sunt

Un grup ad studènt dla scóla di prēt “San Crispino” 'd Róma la partìs p'r un viàś ad dū stmani in di Stat Unî. A cumpagnàr-i a gh pénsa don Rodolfo Buro (Christian De Sica), insgnànt ad stòria e 'd geugrafìa cun 'n asènt ùmbar/ciuciàr dimóndi péś. A gh'è anc un prevòstar più vèć, don Serafino (Renato Moretti), che tut i ragàs i tōś'n in gir ad cuntìnuv, e la sgnōra De Romanis (Edwige Fenech), màd'r ad Filippo (Gianmarco Tognazzi).

In d'l aparéć Alessio Liberatore (Claudio Amendola) al cgnós na ragasōla dimóndi bèla, la biónda Antonella (Antonella Interlenghi), che, sibèṅ la gh'àppia bèla 'l muróś, Rocky (Gianfranco Agus), la vrév far sès sèg in tut al manéri ma chi lò al pâr indurminsâ o piutòst tròp un braṿ ragàs. A s sà, al ragàsi bravi i vaṅ in Paradìś, qvéli catìvì dapartùt, dònca lē la s è dascantàda, va mò là.

Dòp soquànt dè a New York, a Memphis par védar la cà 'd Elvis Presley e in dal Tèxas, in dua Peo Colombo (Jerry Calà), un tardòṅ in là c'n i an e sèmpar buciâ, al gh'à la manéra 'd baśàr na pulisiòta, al grup al riva in dal Utah, in dua i màgnan di bucatèṅ ch’Alessio al s éra purtâ da cà dâ da sò pàdar (Enzo Liberti), e pò in dla Val dla Mòrt in dua i fànan na partìda a balòṅ cun di juvintèṅ ad Turèṅ.

Méntar tut i èṅ a Los Angeles, Peo, Pappola (Fabio Ferrari) e De Blasio (Fabio Camilli) i partìs'n ad nòt p'r andàr a śugàr in dla sità dal visi, Las Vegas, ma i pèrd'n incòsa.

Culegamènt estéran