Urlànd
|
C'l artìcul chè 'l è scrit in
Miranduléś |
Urlànd (Orlando in Ingléś, a s lèś /ɔːrˈlændoʊ/) l'è na sità di Stat Unî ad duśènt-stantamìla abitànt a 'l incìrca ch'la s cata in dal stat dla Flòrida, in dla cuntèa 'd Orange. Al sò clima 'l è subtrupicàł, cald e ùmid, mént'r al sò scutmàj 'l è „The City Beautiful“ (La sità bèla). Al sò sìndig, da 'l 2003, 'l è 'l demucràtic Buddy Dyer.
'L è 'n sèntar dimóndi impurtànt da 'l punt ad vista turìstic par via di sò camp da golf, al parc ad divertimènt Walt Disney World Resort lè darènt e 'l Universal Orlando Resort. I diśucupâ i èṅ dimóndi pôc, sōl al 2,8% (dat d'l Utóbar dal 2006).
Tgnénd adrē a 'l censimènt dal 2010, i sò abitànt i èṅ biànc p'r al 57,6%, ispànig (dimóndi purturicàṅ) p'r al 28,4%, négar p'r al 25,1% e aśiàtic p'r al 3,8%.
Al 12 ad Śugn dal 2016 al terurìsta iślàmic Omar Mateen 'l à masâ quarànta-nóṿ śōv'n e frî àtar sinquànta-tri sparànd in un bar gay dla sità, al Pulse.
Persunàǵ ligâ a Urlànd
- Wesley Snipes, atōr
- Delta Burke, atōra
- Howie D., mémbar di Backstreet Boys