Uomo bianco, tu vivrai!

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg No Way Out
Uomo bianco, tu vivrai!
Uomo bianco, tu vivrai.png
La Linda Darnell e McNally in na figùra dal film
Óm biànc, tè 't scamparà!
1950
Regia: Joseph L. Mankiewicz
Scritùr: Joseph L. Mankiewicz
Lesser Samuels • Philip Yordan
Atùr: Sidney PoitierStephen McNallyLinda Darnell
Richard WidmarkHarry BellaverStanley Ridges
Müsica: Alfred Newman
Lengua: IngléśLéngua di ségn americàna
Dürä dal film: 106 minüt
Nasiòṅ: Stat Unî


«
È-la na dmanda... o na rispòsta?»
(Tagline dal film)


Uomo bianco, tu vivrai! (Óm biànc, tè 't scamparà!) 'l è 'n film dramàtic dal 1950 in biànc e nég'r ad Joseph L. Mankiewicz, candidâ a 'l Prèmi Òscar par la senegiadùra andâ pò a Charles Brackett, Billy Wilder e D. M. Marshman Jr. par Viale del tramonto.

A s trata dal film ad debùt par Sidney Poitier e par la Mildred Joanne Smith.

Sunt

Al dutōr Luther Brooks (Sidney Poitier), dòp avēr vins 'l eśàm ad stat par dvintàr mèdag, al decìd ad cuntinuàr par 'n àt'r an a lauràr cuma stagìsta p'r al dutōr Daniel Wharton (Stephen McNally) esénd ch'l è incóra 'n prinsipiànt e 'l vrév far-'s i òs prima 'd tacàr a lauràr da par lò. Na sirà chi lò 'l al manda a far servìsi in dal repàrt penitensiàri d'l uśdàł dòp che dū rapinadōr, i fradèi Johnny (Dick Paxton) e Ray Biddle (Richard Widmark), i èṅ armàś frî a 'l gambi.

Ray al taca subìt a dar-'g adòs e a ufénd'r-al p'r al fat ch'l è 'n óm ad culōr, un quèl che lò al n s cumpatìs pròpria briśa. Luther al próa a curàr sò fradèl ch'l è mis pèś tant ch'al mèdag al créd anc ch'al pòsa avēr-'g un cànc'r a 'l sarvèl. Durànt gl'eśàm Johnny al mōr e Ray al gh dà tuta la cólpa. Luther al vrév ch'a gh s faśìs l'autupsìa esénd sicûr 'd avēr fat bèṅ al sò lavōr ma 'l rapinadōr, par lasàr-ag cal dubi lè e par far muntàr l'arlìa di biànc in di cunfrònt di négar, al n gh la lasa minga far far, esénd lò 'l ùnic sò parènt ch'al gh pōl dar al parmés.

Wharton al próa a pascàr l'èx mujēr ad Johnny, l’Edie Johnson (Linda Darnell), ma gnanc chi lē la gh diś ad sè anc parchè, prima 'd divursiàr sèg, l'éra stada l'amànta 'd sò fradèl. Cla nòt lè in sità a scòpia 'n arvòlta dimóndi bruta fra biànc e négar.

Culegamènt estéran