Unfaithful - L'amore infedele

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Unfaithful
Unfaithful - L'amore infedele
Amore infedele.png
Richard Gere in na figùra dal film
'L amōr minga fedêł
2002
Regia: Adrian Lyne
Scritùr: Claude ChabrolAlvin Sargent
William Broyles Jr.
Atùr: Richard GereDiane LaneOlivier Martinez
Erik Per SullivanChad LoweDominic Chianese
Zeljko IvanekGary BasarabaMichelle Monaghan
Müsica: Jan A.P. Kaczmarek
Lengua: Ingléś
Dürä dal film: 124 minüt
Nasiòṅ: Stat Unî


«
S'at gh'is l'ucaśiòṅ, al farév-at?»
(Tagline dal film)


Unfaithful - L'amore infedele (’L amōr minga fedêł) 'l è 'n film dramàtic dal 2002 'd Adrian Lyne, arfacimènt dna pelìcula dal 1969 ad Claude Chabrol, Stéphane, una moglie infedele. 'L è custâ sinquànta migliòṅ ad dòlar ma al 'n à pò frutâ sènt-vint.

La prutagunìsta fémna dal film, la Diane Lane, l'è stada candidàda a 'l Prèmi Òscar dal 2003 cuma mijóra atōra, e anc a i Golden Globe, sénsa però vìns'r-al.

Sunt

La Connie (Diane Lane) e Edward Sumner (Richard Gere) i èṅ na còpia pîna 'd bèsi ch'la viṿ in dal lus in na vila in di dintór'n ad New York. Un dè, durànd na giurnàda in dua 'l vènt al sópia fòrt, lì lē la tōś cóntar a 'n bèl śuvnòt ch'al vénd di lìbar e la casca par tèra faghénd-as dal mâl a 'n śnòć. Chi lò, ch'al s ciàma Paul Martel (Olivier Martinez), al la juta subìt catànd-ag sù i sò quèi e śibénd-ag 'd andàr in dal sò apartamènt spetànd ch'al tèmp al s giustìs. Pròpria in cal méntar a pasa da 'd lè un taxi vōd ma la dóna la decìd listés 'd andàr sèg. Quànd la Connie la s rénd cònt 'd èsar drē a pèrdar la tèsta par lò, p'r a n far di quèi a 'l arvèrsa, la decìd ad turnàr a cà. 'L óm al gh rigàla un lìbar ad pueśìi.

La matìna dòp, vrénd al lìbar, Connie la gh cata dèntar al sò bijét ad vìśita. Cun la scuśa ad vlér-ag ringrasiàr, l'al ciàma e lò al gh śibìs ad tōr un cafè sèg ma pò i finìsan cun 'l andàr a lèt insém. Méntar l'è drē a turnàr a cà in trên, pinsànd a quèi malnét ch'i ìvan fat, la cur in bagn par cavàr-as via 'l mudàndi, vlénd-i stargiàr cuma s'la vlis scanślàr via incòsa.

In séguit la Connie e Paul i tàc'n a véd'r-as da spés par ciulàr ad cuntìnuv ma Edward al n magna minga la fója acsè facilmènt. Sò marè al gh'à di suspèt parchè al fà a mènt che sò mujér la s è dastacàda 'n pôc da lò e da sò fiōl Charlie (Erik Per Sullivan), inóltar la s è misa a tōr dimóndi da spés al trên par Manhattan: cuśa gh'à-la 'd andàr-'g a far?

Dòp ch'un sò culéga, durànt na litgàda, al gh fà saltàr al pinsēr in tèsta che la Connie la gh faga i còran, Edward al decìd ad pagàr òṅ par tgnir a drē a sò mujér.

Culegamènt estéran