Una tragica scelta
|
C'l artìcul chè 'l è scrit in
Miranduléś |
 Inhale
| ||
| Una tragica scelta | ||
 Dermot Mulroney e Jordi Mollà in na figùra dal film | ||
| Na sélta tràgica 2010 | ||
|---|---|---|
| Regìa: Baltasar Kormákur | ||
| Scritōr: Walter Doty • John Claflin • Christian Escario | ||
| Atōr: Dermot Mulroney • Diane Kruger • Jordi Mollà Mia Stallard • Vincent Pérez • Rosanna Arquette | ||
| Müsica: James Newton Howard | ||
| Léngua: Ingléś • Spagnōl | ||
| Dürä dal film: 83 minüt | ||
| Nasiōṅ: Stat Unî | ||
Una tragica scelta (Na sélta tràgica) 'l è 'n thriller dramàtic dal 2010 ad Baltasar Kormákur.
Custâ déś migliòṅ ad dòlar, al n gh l'à minga cavàda a mét'r i cònt in para parchè al 'n à fat sù sōl sinquànta-sincmìla.
Sunt
Csa cósta'l 'n palmòṅ? Sènt-mila dòlar èṅ-i abàsta p'r andàr-'l a cumpràr a 'l èstar? 'L è qvél ch'i s admàndan Paul Stanton (Dermot Mulroney), prucuradōr distretuàł, e sò mujér Diane (Diane Kruger) parchè sò fiōla Chloe (Mia Stallard) la gh'à 'n brut mâł e la fà fadìga dal vòlti a tiràr fiâ s'i n gh fùsan minga ch'i sprusèṅ da dar a 'l naś. La fila p'r i trapiànt l'è lunga e a n tóca mai a lē.
La dutóra Rubin (Rosanna Arquette), ch'la gh l'à in cura, la diś a i sò genitōr ch' a sém rivâ a 'l stadi finàł, 'l ùnic quèl ch'a s pōl far 'l è pruàr al „turìśum di trapiànt“, in soquànt paéś fóra da i Stat Unî a gh'è dal léǵ difarénti, a s pōl dar ch'al l'àppia fat anc al pulìtig James Harrison (Sam Shepard) parchè al s è scanślâ in cal méntar da i pasiènt ch'i spét'n al sò tùran. James al fà 'n nóm, al dutōr Navarro, ch'al 'l iva ciamâ p'r un trapiànt ad cōr da far a Juárez.
Paul al partìs subìt p'r al Mèsic par pascàr cal dutōr là. Al cgnós invéci al dutōr Martinez (Vincent Pérez), ch'al lavóra par n'urganiśasiòṅ umanitària, e 'n pulisiòt ciamâ Aguilar (Jordi Mollà) ch'al n la cònta minga giùsta. P'r al prucuradōr cal viàś lè al s trasfórma in 'n infèran e a la sò putìna a gh armàgn sōl na stmana 'd vita.